काठमाडौं । स्वावलम्बन लघुवित्त वित्तीय संस्थाको संस्थापक सेयर लिलामी भर्ने बुधबार अन्तिम दिन रहेको छ । कम्पनीको ११ हजार ७५३ कित्ता सेयरमा संस्थापक सेयर लिलामी भर्ने मंसिर १ गते बुधबार अन्तिम दिन रहेको हो । आज कार्यालय समयसम्म मात्र यसमा आवेदन दिन सकिने भएको छ । कम्पनीले कात्तिक २५ गतेबाट प्रतिकित्ता न्यूनतम मूल्य ६७५ रुपैयाँमा यो सेयर बिक्रीमा ल्याएको हो ।
लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । न्यूनतम १ हजार कित्तादेखि अधिकतम सबै कित्ताका लागि आवेदन दिन सकिनेछ । यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । आवेदकले बिक्री प्रबन्धक एनआइबीएल एस क्यापिटल लाजिम्पाट काठमाडौं पुग्नेगरी आवेदन दिनु पर्नेछ ।
