काठमाडौँ । बिस २०५४-५५ मा स्थापना भएको थियो तत्कालीन एनआईसी एशिया बैंक । स्थापनाको पहिलो बर्ष बैंकम कारोबार भएन । बैंकको दोश्रो बर्षबैंकलाई ५० लाख रुपैयाँ घाटा भयो । तर नम्बर १ बैंक बन्ने ‘जुनून’का साथ अगाडी बढेको बैंकले यो साल ४ अर्वभन्दा बढी नाफा गर्यो । ५० लाख घाटादेखि ४ अर्वभन्दा बढी नाफा गरेको बैंकको यात्रामा सबैभन्दा बढी महत्वपूर्ण विषय भनेको ग्राहकको विश्वास थियो । र बैंकलाई गरिएको यो विश्वासले नै अहिले तत्कालीन बैंक अफ एशियासँग मिलेर बनेको एनआईसी एशिया बैंक नेपालको निजी स्तरको नम्बर १ बैंक बन्न सफल भएको छ । २५ वर्षको यात्रामा उत्कृष्ट कर्जा प्रवाह प्रवाह गरेको एनआइसी एशिया बैंकको निक्षेप संकलनमा पनि प्रत्येक वर्ष उत्साहजनक रुपमा वृद्धि भएको छ । शाखा, सेवा र कर्मचारी विस्तारलाई बढाउँदै लगेको बैंकको ‘प्रोफिट’ मा पनि उल्लेख्य रुपमा बढोत्तरी भएको देखिन्छ ।

यस्तो छ २५ बर्षमा बैंकको घाटा-नाफाको हिसाबकिताब !
स्थापनाको पहिलो बर्ष बैंकमा कुनै कारोबार भएन । दोश्रो बर्ष बैंकले ५० लाख अर्थात ५ मिलियन घाटा व्यहोर्नुपर्यो ।तर त्यसको दोश्रो बर्ष नै वर्ष बैंकले २४ मिलियन अर्थात २ करोड ४० लाख रुपैयाँ नाफा कमायो। कर्पोरेट क्षेत्रमा आफुलाई स्थापित गरिसकेको एनआइसी एशिया बैंकले स्थापनाको चौथो वर्ष ३४४ मिलियन नाफा कमाउन सफल भयो । रातदिन मेहेनत गरेका बैंकका कर्मचारीले यो बैंकलाई स्थापनाको पाचौँ वर्ष अर्थात आर्थिक वर्ष २०५८–५९ मा ३३७ मिलियन नाफा गराउन सफल भए । बैंकले छैठौँ वर्षमा ३२८, सातौँ वर्षमा ६८ मिलियन र आठौँ वर्षमा ११४ मिलियन नाफा कमायो । नवौँ वर्षमा ९७ मिलियन नाफा कमाएको एनआइसी एशिया बैंकले १० वर्षमा १५८ मिलियन नाफा कमाएको थियो । त्यस्तै आर्थिक वर्ष २०६४–६५ मा बैंकको नाफा २४३ मिलियन रहँदा आर्थिक वर्ष २०६५–६६ मा बैंकले ३१७ मिलियन कमाएका थियो । सोही अनुसार बैंकले आर्थिक वर्ष २०६६–६७ अर्थात स्थापनाको १३औँ वर्षमा कुल ४५३ मिलियन नाफा आर्जन गरेको थियो भने आर्थिक वर्ष २०६७–६८ मा कुल ३९२ नाफा कमाएको थियो ।

बैंकको बढ्दो लोकप्रियता र बैंकले प्रवाह गरेको ग्राहकमुखी ‘प्रोडक्ट’ले बैंकको नाफामा थप प्रगति हुँदै गयो । बैंकले आफ्नो स्थापनको १५औँ वर्षमा ६४२ मिलियन नाफा कमाउन सफल भयो । त्यसको अर्को वर्ष बैंकको नाफामा उल्लेख्य वृद्धि हुँदै कुल नाफा ८३२ मिलियन पुग्दा बैंकले १७ औँ वर्षमा ६८०, १८औँ वर्षमा १०६७ मिलियन नाफा कमाउन सफल भयो । सबैको मेहेनतले बैंक कहिल्यै पछि पर्नुपरेन । र त १९औँ वर्षमा १,४७६ मिलियन नाफा कमाएको बैंकले स्थापनाको २० औँ वर्षमा पुग्दा बैंकको नाफा १,३३५ मिलियन पुग्यो । बैंकको २१औँ वर्ष अर्थात आर्थिक वर्ष २०७५–७६ मा सो नाफामा दोब्बरले बढोत्तरी हुँदै कुल नाफा ३,०२३ मिलियन पुगेको थियो । त्यस्तै आर्थिक वर्ष २०७६–७७ मा बैंकको नाफा ३,०९९ मिलियन पुग्यो । एनआइसी एशिया बैंक २५ वर्षमा प्रवेश गर्दैगर्दा बैंकका देशभरीका विभिन्न शाखाबाट बैंकले आर्थिक वर्ष २०७७–७८ मा आफ्नो कुल नाफा ३,२५९ पुर्याउन सफल भयो । आर्थिक बर्ष २०७८-७९ मा बैंकले ४ अर्व भन्दा बढी नाफा कमाउन सफल भयो ।

‘ग्राहकको विश्वासभन्दा ठुलो कुरा केहि रहेनछ’
निरन्तर नाफा बढाउनु त्यो पनि ठुलो अन्तरमा बढाउनु चानचुने कुरा होइन । घाटा भएको अर्को बर्षनै ठुलो अन्तरले नाफा बढाउनु कम्ती चुनौतीपूर्ण कुरा होइन । तर बैंक निरन्तर नाफामा गईरह्यो । यसको कारण मात्र दुई थिए- एक बैंकको टिमले गरेको मेहेनत, दोश्रो ग्राहकको विश्वास । ‘बैंकले स्थापनाको पहिलो बर्षदेखि नै सार्है बढी मेहेनत गरेको थियो । यो मेहेनत आज पनि उस्तै छ । अहिले पनि सबैभन्दा बढी स्मार्ट काम गर्ने बैंकर नै एनआईसी एशियामा छन् भन्ने तथ्य पूरै बैंकिङ बुझेको छ । कर्मचारीमात्र होइन, यो बैंकमा सीइओले पनि अरु बैंकका सीइओभन्दा बढी मेहेनत गरेको तथ्य घामजस्तै छर्लंग छ ।’ बैंकका एक उच्च अधिकारीले अर्थ सरोकारसँग भने, ‘ग्राहकको मेहेनतका कारण हामीले एक बर्षमा ४ अर्वभन्दा बढी नाफा कमाउन सफल भएका छौँ । र अर्को बर्ष योभन्दा बढी नाफा कमाउनुपर्छ भनेर पनि हामी लागिपरेका छौँ । र यसको श्रेय ग्राहकलाई नै जान्छ । आखिर ग्राहकको विश्वासभन्दा ठुलो कुरा केहि रहेनछ ।’