Cinema Portal
Banker Dai Portal
Election Portal
Share Dhani Portal
Unicode Page
Aarthik Patro
Englsih Edition
Classified Ads
Liscense Exam
Share Training
PREMIUM
सुन-चाँदीको भाउ
विदेशी विनिमयदर
मिति रुपान्तरण
सेयर बजार
पेट्रोलको भाउ
तरकारी/फलफूल भाउ
आर्थिक राशिफल
आजको मौसम
IPO Watch
AQI Page
E-paper
काठमाडौँ । सिन्धुलीमा रहेको नेपाल एसबिआई बैंक लुट्ने ४ जना पक्राउ परेका छन् । उनीहरुलाई स्थानीयले समातेर प्रहरीको जिम्मा लगाएका छन् ।
उनीहरु साथबाट केहि रकम, चाउचाउ र एक झोला रेडबुलसहित पक्राउ परेका छन् ।
पक्राउ परेका उनीहरुलाई स्थानीयले किन यस्तो गलत काम गरेको भनेर सोधेका थिए । जवाफमा उनीहरुले ‘बाध्यता हो’ भन्ने छोटो जवाफ दिएको स्थानीयको भनाई छ । यद्यपी, उनीहरुको अनुहारमा बैंक लुटेको कुनै पछुतो नदेखिएको स्थानीयले जनाएका छन् ।
उनीहरुले बैंक लुट्ने प्लान केहि समय अघि नै बनाएको पनि स्थानीयसँगको सम्बादका क्रममा भनेका छन् ।
उनीहरुले मंगलबार बेलुकी ६ः३० बजे सिन्धुलीको घ्याङलेख गाउँपालिकाको भवनमा रहेको नेपाल एसबिआई बैंकमा लुटपाट गरेका थिए ।
बैंक रहेको भवनको पछाडीको ढोकामा छिरेका लुटेराहरुले सुरुमा बैंकका सुरक्षा गार्डमाथि आक्रमण गरेका थिए । सुरक्षा गार्डले रोक्न खोज्न उनीमाथी खुकुरी प्रहार भएको सुरक्षा गार्ड रुद्र कार्कीले बताएका छन् ।
हतियारसहित बैंकभित्र प्रवेश गरेका लुटेराले सुरुमा आफूलाई आक्रमण गरेर बन्धक बनाएको कार्कीले बताए । त्यसपछि बैंकको माथिल्लो तलामा बस्ने कर्मचारीलाई समेत बन्धक बनाएर बैंक लुटेको सुरक्षा गार्ड कार्कीको भनाई छ ।
उनीहरुले बैंकमा भएका पैसा बोरामा पोको पारेर लुटेर लगेका थिए । लुटेरा भागेपछि बैंकका कर्मचारीले प्रहरीलाई खबर गरेका थिए ।
बैंक लुटिएको खबर पाएलगत्तै बैंकको शाखामा पुगेको प्रहरीले कर्मचारी र सुरक्षा गार्डको उद्दार गरेर तत्काल ‘सर्च अपरेशन’ चलाएको थियो । सोही क्रममा प्रहरीले लुटपाटमा प्रयोग गरिएको गाडीका ड्राइभरलाई पक्राउ गरेको थियो भने सोही गाडीमा एक बोरा पैसा समेत फेला पारेको थियो । खोज्दै जाँदा प्रहरीले नजिकैको जंगलमा थप दुई बोरा पैसा फेला पारेको थियो ।
हाल प्रहरीले उक्त लुटपाटमा संलग्न ६ जनालाई पक्राउ गरिसकेको छ । अन्यको पनि खोजी भइरहेको प्रहरीले जनाएको छ ।
प्रतिक्रिया दिनुहोस्