काठमाडौं । राष्ट्रिय वाणिज्य बैंक लिमिटेडले पनि नयाँ ब्याजदर सार्वजनिक गरेको छ । बैंकले साउन १ गतेदेखि लागू हुने गरी नयाँ ब्याजदर सार्वजनिक गरेको हो ।

बैंकले बचत खातामा ३ प्रतिशतदेखि ५ प्रतिशत र मुद्दति निक्षेपको ब्याज न्यूनतम ५ प्रतिशतदेखि अधिकतम ७.२५ प्रतिशतसम्म तोकेको छ । बैंकको गत बर्षको चैत मसान्तसम्म ४.३० प्रतिशत आधारदर रहेकोमा साउनमा अधिकतम ३ प्रतिशतसम्म थप गरी ब्याजदर सार्वजनिक गरेको हो ।

प्राकृतिक व्यक्तिको आवधिक कर्जामा न्यूनतम ८.५ प्रतिशतदेखि अधिकतम ११ प्रतिशतसम्म ब्याजदर रहेको छ ।