- इश्वर देवकोटाको अनुभव !
एभरेष्ट ग्यास कम्पनीले अति पुराना ग्यासका सिलिन्डर उपभोक्ताका भान्छामा पठाएको छ । यसको उत्पादनमा सुरक्षा सम्बेदनशिलता, गुणस्तर र मापदण्ड नियमित जाँच गर्ने निकाय कुन हो ? दुइ दिनअघि भान्छामा प्रयोगमा रहेको ग्यास रेगुलेटर बन्द गरेको समयमा समेत लिकेज रहेको पत्ता लागे पछि सम्बन्धित नजिकको डिपोमा जानकारी गराएँ । डिपोले लिकेज सिलिन्डर लगेर एभरेष्ट ग्यासको कारखानामा लैजान भन्यो, ग्यास जस्तो प्रज्ज्वलन शिल सम्बेदनशील पदार्थ आफैले बोकेर एभेरेष्ट ग्यासको रिफिलिंग स्टेसन, चाल्नाखेल पुर्याएँ ।
एभरेष्ट ग्यासका प्रतिनिधिले उक्त लिकेज सिलिन्डर उपभोक्ताबाट सिधै हामीले लिन मिल्दैन जहाँ किनेको हो त्यहि पुर्याउनुस, कि भने बल्खुमा हाम्रो अर्को कारखाना छ त्यहाँ लैजानु भने । लिकेज भैरहेको ग्यास सिलिन्डर उपभोक्ताले आफै बोकेर उसका डिपो र कारखाना चाहर्नुपर्ने नियम हो ? प्रज्ज्वलन शिल पदार्थ ग्याँसमा यस्तो लापरबाही, खेलाची गर्न छुट दिइएको हो ? कुनै ठुलै दुर्घटना भएमात्र सम्बधित निकायले ध्यान दिनेहो कि सतर्कताका बिधि नियमपनि छन् ।
कुनैपनि ग्यास उत्पादक कम्पनीले पुराना थोत्रा सिलिन्डरको प्रयोग गर्न पाउनु हुदैन । प्राबिधिक रुपमा आएका / आउने समस्याका कारण हुनसक्ने उच्च जोखिमलाई न्यूनीकरण गर्न सम्बधित कम्पनीले तत्काल लिकेज अवस्थामा रहेका सिलिन्डर निस्क्रिय गर्ने वा सुरक्षित रुपमा भण्डारण गर्ने उपाय सर्वसाधारणलाइ सिकाउनु पर्छ , जानकारी दिनुपर्छ ।समस्या आउँदा उजुरी गर्ने निकाय हुनुपर्छ , आपतकालीन सहयोगको व्यवस्था हुनुपर्छ ।
हामीले इन्धन सुविधाको नाममा पैसो तिरेर भयानक बिष्फोटक पदार्थ “ग्यास सिलिन्डर” खरिद गरेका छौं । बेलैमा सचेत भएनौ भने हुनसक्ने जनधनको क्षति कसले व्यहोर्छ । कृपया ध्यानकर्षण होस् । सम्बन्धित निकायले सचेत बनोस् ।तत्कालका लागि मैले लिकेज सिलिन्डर एभरेष्ट ग्यास कम्पनी आफैले फिर्ता नलिएपछी प्रहरीको रहोबरमा डिपोमानै पुर्याएर जिम्मा लागाएको छु । लिकेज सिलिन्डर भण्डारण गर्न असुरक्षित हुने भएको र समयमा कम्पनीले लिकेज सिलिन्डर नउठाउने भएकोले सुरक्षाकै कारण आफुले जोखिम मोल्न नसक्ने डिपो संचालक बताउँछन्म । जस्ता उपभोक्ताले लिकेज सिलिन्डर बोकेर प्रहरी गुहार्न जान नपरोस् ।
