×

Live on

रेडियो अर्थ सरोकार

Listen to live radio.

मेरो आर्थिक ब्याकअप– अमेरिकाका दाइ : कांग्रेस नेता प्रदीप पौडेल

GLOBAL IME BANK

मेरो आर्थिक ब्याकअप– अमेरिकाका दाइ : कांग्रेस नेता प्रदीप पौडेल

२९ मंसिर २०७३, बुधबार

पढ्न लाग्ने समय: १ मिनेटभन्दा कम

राजनीति भनेको उद्योग होइन । म राजनीतिमा आएको आम्दानीका लागि होइन । मैले अहिले आम्दानीका लागि काम गरिरहेको पनि छैन । सामाजिक काममै केन्द्रित हुने भएकाले पनि हामीसँग उल्लेखनीय पैसा हुँदैन । मेरो परिवार काठमाडौंमै भएकाले पनि खर्चको विषयमा सजिलो भएको छ । 
त्यसैले अहिलेसम्म मलाई घरव्यवहारको झन्झट छैन । खर्चपर्चको चिन्ता बुवाले नै लिनुहुन्छ, उहाँले नै सबै हेर्नुहुन्छ । आर्थिक रुपमा मेरो ‘ब्याकअप’ भनेको अमेरिकामा रहनुभएका दाइ किरण पौडेल हो । उहाँले दुई÷तीन महिनाको अन्तरालमा दुई÷तीन सय डलर सहयोग गर्नुहुन्छ । त्यही रकमले पकेट खर्च चलाउने गर्छु। 
मसँग अलि बढी पैसा हुने भनेको उहाँले पठाइदिएका वेला नै हो । हामी पार्टीका विभिन्न कार्यक्रममा जिल्लातिर गइरहेका हुन्छौँ । वर्कसप र सेमिनारमा ट्रेनिङ दिन पुगिरहेका हुन्छौँ । त्यतिवेला पार्टी र संघसंस्थाले पनि सहयोग गरिरहेका हुन्छन् । 
जिल्लामा जाँदा सम्बन्धित आयोजक तथा साथीभाइको सहयोग रहन्छ । देशभरिकै साथीहरूसँग राम्रो चिनजान भएकाले पनि जिल्लामा जाँदा उहाँहरूले नै व्यवस्था गर्नुहुन्छ । एक रुपैयाँ नभइकन पनि मेची महाकालीसम्म घुम्न सक्छु । कहिलेकाहीँ यस्तै पनि भएको छ । आज (शनिबार) मेरो गोजीमा ७ सय रुपैयाँ छ । तर, सधैँ पैसा हुन्छ भन्ने हुँदैन । 
रित्तै गोजी भएका उदाहरण पनि कैयौँ छन् । कहिलेकाहीँ गोजीमा पैसा नभएर साथीहरूलाई मोटरसाइकल, गाडीमा बाटोसम्म लिन पनि बोलाउने गरिन्छ । अरू नजिकका केही साथी पनि हुनुहुन्छ, अप्ठ्यारो पर्दा उहाँहरूले सहयोग गरिरहनुहुन्छ । आजभोलि साथीहरूसँग अफिसमा भेट हुँदैन । सामान्यतया चिया पसल, रेस्टुरेन्टमै उहाँहरूसँग भेट हुने गर्दछ । सामान्यतया चिया पसलमा बस्दा चिया, खाजा त खानुपर्‍यो । त्यसैले, चियामा मेरो सबैभन्दा बढी खर्च हुने गर्छ । 
कतिपय समयमा त साथीभाइले पनि सहयोग गर्नुहुन्छ । सधैँ त्यस्तो हुँदैन । तर, कहिलेकाहीँ यस्तो पनि भइदिन्छ कि, गोजीमा भएको एक हजार रुपैयाँ एक हप्तासम्म पनि रहिरहन्छ । कलेजमा विद्यार्थी राजनीति गर्दा भने पैसाको अभाव थुप्रै भोगियो । खाजा खाने त परको कुरा, गाडीभाडा पनि गोजीमा हुने थिएन । नेविसंघको कार्यालयमा गइरहन्थ्यौँ, फर्किंदा ट्यापो चढ्नेसम्म पैसा नभएर हिडेँरै घर आइपुग्थ्यौँ । नयाँ पत्रिकाबाट साभार गरिएको हो ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: