">
नयाँ दिल्ली । अमेरिकाको ४६ औं राष्ट्रपतिको रुपमा जो बाइडेनको आगमनसँगै अमेरिकी विदेश नीति, परमाणु हतियारसम्बन्धी नीतिलाई कसी हेर्छन् भन्ने कुरालाई विशेष रुपमा हेरिएको छ । अमेरिकासँग लामो समयदेखि अन्तरविरोध रहेका दुई मुलुकहरु इराम र उत्तर कोरियाले बाइडेनलाई स्वागतका लागि तयार नभएको सन्देश दिए । दुबै मुलुकहरु इरान र उत्तर कोरियाले परमाणु उत्पादनमा वृद्धि गर्ने प्रतिबद्धता व्यक्त गरे । उत्तर कोरियाली नेता किम जङ उनले अमेरिकाको उनको मुलुकप्रतिको नीति ‘कहिल्यै परिवर्तन नहुने’ समेत बताएका छन् । उत्तर कोरियाली नेता किमले अमेरिकालाई आफ्नो देशको सबैभन्दा ठूलो शत्रु भन्दै अमेरिकामा जो राष्ट्रपति बने पनि प्योङयाङप्रति वाशिङ्टनको नीति परिवर्तन हुने अपेक्षा आफूले नराखेको बताएका हुन् ।
दुबै मुलुकहरु इरानले आणविक हतियारको सन्दर्भमा भूमिगत मिसाइल बेसको प्रदर्शन गरिरहेको थियो भने उत्तर कोरियाले आणविक हतियार उत्पादन गर्ने प्रतिबद्धता व्यक्त गर्यो । यसले आणविक हतियार कार्यक्रमको विस्तारको योजनाले विश्वलाई थप अन्योलतातर्फ लैजाने संकेत देखिएको छ । इरानमा सर्वोच्च नेता खमानेईले ट्विटरमार्फत इरानले कोरोना भाइरसविरुद्धको खोप अमेरिका र बेलायतले आयात नगर्ने बताएका छन् । ‘किनकि ती पूर्णरुपले अविश्वासयोग्य’ भएको र ‘अन्य देशहरुलाई दूषित पार्नसक्नेछ,’ उनले भने । तर अन्य पूर्वसूचनाहरूले अमेरिकी प्रतिबन्धमाथि क्रोध र निराशाको सुझाव दिए र घरेलु राजनीतिक पात्रहरूले फाइदाको लागि केहि कुटिलता पनि देखाए । मुख्य कुरा के हो भने, इरान क्रान्तिकारी गार्ड कोर (आईआरजीसी) ले संयुक्त राज्यको ड्रोन हमलामा इरानमा सर्वोच्च सैन्य कमाण्डर सुलेमानीको हत्या भएको एक वर्षपछि मिसाइल प्रदर्शन गरेको हो ।
इरानले इराकमा अमेरिकी बेस १६ वटा मिसाइलहरू प्रहार गरेको थियो र त्यसमा कुनै हताहत नभए पनि त्यहाँका कर्मचारीहरूलाई पर्याप्त चोटपटक लागेको थियो । त्यसैगरी उत्तर कोरियाको सत्तारूढ वर्कर्स पार्टीको विरलै हुने राष्ट्रिय सम्मेलनमा बोल्दै किमले उत्तर कोरियाको परमाणु अस्त्र र सैन्य शक्ति थप वृद्धि गर्ने प्रतिबद्धता व्यक्त गरेका हुन् । उनले पानीमुनि चल्ने परमाणु जहाज (न्यूक्लियर सबमरिन) बनाउने आफ्नो योजना करिब करिब पूर्ण भएको बताएका थिए । अमेरिकामा राष्ट्रपति निर्वाचित जो बाइडनले शपथ लिने दिन नजिकिएका बेला उनको प्रतिक्रिया आएको छ । विश्लेषकहरू किम र खामेनइको टिप्पणी अमेरिकी नयाँ राष्ट्रपतिमाथि दबाव पुर्याउने प्रयत्न भएको रुपमा लिएका छन् । यस्तो अवस्थामा अमेरिकी ४६ औं राष्ट्रपति बाइडेनले भने आफ्नो विदेश नीति र परमाणु नीतिमा परिवर्तन गर्न सक्ने अपेक्षा गरिएको छ ।
