NABIL AD
Share Talim AD
Civil Bank

‘एक घर, एक धारा’को लक्ष्यसहित निमार्ण भयो २१ करोड ५२ लाखको लागतमा खानेपानी आयोजना

GARIMA BANK AD
बागलुङ । एक समय थियो तिर्खा मेट्न थुम्कावासी कुवा धाउँथे । पानी जोहो गर्दैमा बिहान बित्थ्यो । सबैभन्दा ठूलो सास्ती गृहिणीले व्यहोर्थे । अहिले त घरघरै धारा, चाहिएजति पानी । थुम्काको मात्र होइन, गलकोट नगरपालिका-२ नरेठाँटीका सबै गाउँबस्तीको खानेपानी सपना अब पूरा हुँदैछ । गाउँलेको दैनिकी बदलिँदै छ । ‘एक घर, एक धारा’ को लक्ष्यसहित चार वर्षअघि सुरु भएको ‘जसपुर-घामपानी-मसरा’ खानेपानी तथा सरसफाइ आयोजनाले नरेठाँटीको खानेपानी समस्या सँधैँका लागि अन्त्य गर्ने भएको हो ।
घरघरै खानेपानी आएपछि सुविस्ता भएको थुम्काकी दुर्गादेवी भण्डारीले बताउनुभयो । ‘पानीको साह्रै दुःख थियो, अहिले त धेरै सहज भएको छ’, उहाँले भन्नुभयो । सङ्घीय खानेपानी तथा ढल व्यवस्थापन आयोजना कार्यालय, बेनी, म्याग्दीअन्तर्गत २१ करोड ५२ लाखको लागतमा उक्त आयोजनाको काम भइरहेको छ । आयोजना कार्यालयका इञ्जिनीयर प्रदीप रेग्मीले आउदो आवभित्र काम सक्ने लक्ष्य लिइएको बताउनुभयो । ‘आयोजनाको भौतिक प्रगति राम्रो छ, सरासर काम भए एक वर्षमा सबै घरधुरीमा खानेपानी पुग्छ’, उहाँले भन्नुभयो ।
ट्याङ्की निर्माणको काम लगभग सकिएकाले अहिले पाइप विछ्याने र खानेपानी वितरणमा आयोजनाको काम केन्द्रित छ । आयोजनाका सुपरभाइजर मणि कँडेलले ठूलासाना गरी २६ वटा ट्याङ्की निर्माण भइसकेको जानकारी दिनुभयो । १० देखि ५० घनमिटरसम्मका ट्याङ्की बनाएर खानेपानी वितरणको प्रबन्ध मिलाइएको छ । नरेठाँटी बजार र आकाशे पानीमा ५० घनमिटरको ट्याङ्की निर्माण गरिएको छ । भूगोल र जनसङ्ख्याको अवस्थिति हेरेर ट्याङ्की निर्माण गरिएको हो ।
आयोजनाबाट लाभ पाउने ६५० घरधुरीमध्ये दुई सय बढीमा खानेपानी वितरण भइसकेको सुपरभाइजर कँडेलले बताउनुभयो । ‘अब पाँच/सातवटा ट्याङ्की निर्माण गर्न बाँकी छ, अहिले मुख्य रुपमा पाइप विछ्याउने र खानेपानी वितरणको काम भइरहेको छ’, उहाँले भन्नुभयो । उपभोक्ताले मिटर प्रणालीबाट खानेपानीको उपभोग गरिहेको आयोजनाले जनाएको छ । छिट्टै ठाना, बहेली र घरघरमा खानेपानी वितरणको काम शुरु हुँदैछ । यसअघि नरेठाँटी बजार, पैँयूडाँडा, थुम्का, जस्कुरलगायतका बस्तीमा खानेपानी पुगिसकेको छ ।
हालसम्म झण्डै दश करोड बराबरको काम सकिएको उपभोक्ता समितिले जनाएको छ । समितिमार्फत बाँस्तोला निर्माण सेवाले कामको जिम्मा लिएको छ । सिङ्गो वडाभरि रहेका मुहानलाई केन्द्रित गरी आयोजनामार्फत घरघरमा खानेपानी वितरण गर्न लागिएको समितिका अध्यक्ष रुमबहादुर कुँवरले बताउनुभयो । खानेपानीको सहज सुविधाका लागि यति ठूलो लगानीको आयोजना गलकोटकै पहिलो रहेको वडाध्यक्ष हिमबहादुर भण्डारीले बताउनुभयो ।
‘आयाजनाबाट सिङ्गै वडाभरिका घरधुरीमा धारा पुग्छ, यसबाट स्थानीयवासीलाई ठूलो सुविधा हुनेछ’, उहाँले भन्नुभयो, ‘सङ्घीय सरकारको बहुवर्षीय योजना रहेकाले निर्धारित समयमै आयोजनाको काम सकिने विश्वास छ ।’ आयोजना कार्यालयका अनुसार चालू आर्थिक वर्षको खर्चको बजेट आउन बाँकी छ । यो वर्षदेखि केन्द्रीय खानेपानी शीर्षकमा बजेट छुट्टिने भएकाले स्रोत व्यवस्थापनमा कमी नहुने इञ्जिनीयर रेग्मीले बताउनुभयो । -रासस
Hamro Parto AD
MEGA

प्रतिक्रिया दिनुहोस्

सिफारिस:

Mobile Sticky Ad Test
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal