काठमाडौँ । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । मंगलबार नेप्से परिसूचक ५.३२ अंकले बढेर २६५५.९९ बिन्दुमा पुगेको हो ।
नेप्सेमा कुल ३ सय १९ कम्पनीको एक करोड १९ लाख ७६ हजार ७ सय ८० कित्ता सेयर खरिद बिक्री हुँदा ५ अर्ब ८२ करोडमाथिको सेयर कारोबार भएको छ । आजको बजारमा सबैभन्दा धेरै कारोबार बन्दीपुर केबलकार एण्ड टुरीजमको भएको छ । यस कम्पनीको २६ करोड ९९ लाख ९७ हजार ६ सय ४९ रुपैयाँ बराबरको सेयर कारोबार भएको छ ।
मंगलबारको बजारमा झापा इनर्जीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यता, जोशी हाइड्रोपावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ४ प्रतिशतभन्दा धेरैले घटेको छ ।
