रोयल मर्चेन्ट बैंकिङ एन्ड फाइनान्स, रारा विकास बैंक र पोखराको अपी फाइनान्सबीच मर्जर हुनु ठीक एक दिनअघि रोयलका सञ्चालकले बदनियतपूर्ण ढंगले बैंकको ३६ करोड रुपैयाँ पचाउने योजनाअनुसार नक्कली ऋणीका फाइल खडा गरी ३६ करोड रुपैयाँ ऋण स्वीकृतको खेल खेलिएको समाचार सार्वजनिक भएको एक बर्षसम्म पनि जनताको पसिना चुस्नेहरुमाथि कारवाही नभएपछि, एपेक्स डेभलोप्मेन्ट बैंकविरुद्ध एक समूह विभिन्न नियमनकारी निकाय धाउने भएको छ भने जनताको पसिनामाथि गरेको बेइमानी विरुद्ध अख्तियार पुग्ने भएको छ ।  

उनी अगाडी भन्छन्, ‘बैंकको लेखापरिक्षणको हकमा नेपाल राष्ट्र बैंकको पनि आफ्नै नीति छ ।  बाफियामा पनि यस बिषयमा नीतिहरु छन् । राजनीतिक आढ़मै जुन खालको गलत काम भएको छ, हामी त्यस विरुद्ध लाग्छौं नै ! ‘उनका  अनुसार मर्जरका बाहानामा जनताको पसिनामाथि खेलबाड गर्ने जो कसैलाई पनि छोड्नु हुँदैन । उनी अगाडी भन्छन्, ‘एपेक्सले यहि बिषयमा छानविन हुने डरले पछिल्ला लेखापरिक्षण प्रतिवेदन समेत वेव साइटमा राखेको छैन । लेखापरिक्षणलाइ नियमन गर्ने निकाय भनेको नेपाल चार्टड एकाउन्टेन्ट्स संस्था हो  र यसले जिल्ला अदालत सरहको काम गर्न पनि पाउँछ । तर आइक्यानले एपेक्सले गरेको कर्पोरेट अपराधमा लेखापरीक्षकको मिलेमतो भएको ठहर नगरेको खण्डमा हामी सर्वोच्चको ढोका ढकढकाउंछौं । तर कुनैपनि हालतमा एपेक्सलाइ प्रयोग गरेर जनताको पसिनामाथि लुट गर्ने र त्यो कुरा सहि छ भने सहिछाप ठोक्नेहरुका विरुद्धमा हामी न्याय नापएसम्म लड़ीरहन्छौं । ‘  

मर्जपछि एपेक्सको पहिलो साधरणसभा

मर्जर प्रभावित हुन सक्ने :

काठमाडौँ – रोयल मर्चेन्ट बैंकिङ एन्ड फाइनान्स, रारा विकास बैंक र पोखराको अपी फाइनान्सबीच मर्जर हुनु ठीक एक दिनअघि रोयलका सञ्चालकले बदनियतपूर्ण ढंगले बैंकको ३६ करोड रुपैयाँ पचाउने योजनाअनुसार नक्कली ऋणीका फाइल खडा गरी ३६ करोड रुपैयाँ ऋण स्वीकृतको खेल खेलिएको समाचार सार्वजनिक भएको एक बर्षसम्म पनि नियमनकारी निकाय नेपाल राष्ट्र बैंक चुप लागेर बसेको भन्ने आरोप लागिरहेका बेला नेपाल राष्ट्र बैंकका प्रवक्ता त्रिलोचन पंगेनीले उजुरी परेको खण्डमा नेपाल राष्ट्र बैंकले कुनै पनि हालतमा जनतासँग बेइमानी गर्ने बैंकलाई कारवाही गरेरै छोड्ने बताएका छन् । 

त्रिलोचन पंगेनी, प्रवक्ता, नेपाल राष्ट्र बैंक

मर्जर भयो भन्दैमा उन्मुक्ति हुन्न : पंगेनी  

के पचाइएकै हो त एपेक्स डेभलपमेन्ट बैंकको ३६ करोड ? (फलोअप नम्बर. १)  

यस्तो छ ३६ करोड रुपैयाँ ‘झ्वाम्’ पार्ने खेलको नालीबेली 
रोयल मर्चेन्ट बैंकिङ एन्ड फाइनान्स, रारा विकास बैंक र पोखराको अपी फाइनान्सबीच मर्जर हुनु ठीक एक दिनअघि रोयलका सञ्चालकले बदनियतपूर्ण ढंगले बैंकको ३६ करोड रुपैयाँ पचाउने योजनाअनुसार नक्कली ऋणीका फाइल खडा गरी ३६ करोड रुपैयाँ ऋण स्वीकृतको खेल खेलेका थिए । उनीहरूले राष्ट्र बैंकले मर्जरको क्रममा रहेका वित्तीय संस्थाहरूको खराब ऋण तथा अन्य खराब अवस्थाको विषयमा केही लचक नीति अपनाउने बुझेर त्यस्तो प्रावधानको दुरूपयोग गर्दै मर्जरको एक दिनअघि अन्य बैंकका प्रतिनिधिलाई समेत हात लिएर ३६ करोडको ऋण स्वीकृत गराउने काम गरेका थिए । त्यही ३६ करोड र त्यस्ता आधा दर्जन काण्ड छानबिन समितिमार्फत बाहिर आउने भएपछि केही व्यक्तिको चलखेलमा साधारणसभाबाट अध्यक्ष निर्वाचित चन्द्रलाल जोशीलाई ‘कु’ गरेर अपदस्थ गरी सीईओ गोविन्दप्रसाद उपाध्यायलाई समेत लखेट्ने योजना बनाइएको थियो । अहिले एपेक्स डेभलपमेन्ट बैंकको सञ्चालक समितिको अध्यक्षमा विष्णु धिताल पुगेका छन् । धिताल रोयलको ३६ करोड रुपैयाँ पचाउने खेलका एक प्रमुख पात्र हुन् ।

विष्णु धिताल, तश्वीर : फेसबुक

कांग्रेसको नाम बेचेर दादागिरी :

यसैगरी, एक सञ्चालक समितिका सदस्यले सञ्चालन गरेको काठमाडौँको सम्पूर्ण काष्ठ उद्योगको नाममा समेत तीन करोड ऋण प्रवाह भएको देखिएको छ । त्यसको धितोमा समेत जग्गा राखिएको छ । पछिल्लो समय छानबिन समितिले खोज्दै जाँदा तीन करोड ऋणका लागि राखिएको धितोमा उल्लिखित जग्गामा वागमती नदी फेला परेको एक सदस्यले बताए । नयाँ बानेश्वरको बादसाह फुडल्यान्डलाई समेत समूहले साढे दुुुई करोड रुपैयाँ ऋण प्रवाह गरेको देखिएको छ । सम्बन्धित ऋणीलाई सोध्दा उनले आफूले ऋण नै नलिएको छानबिन समिति समक्ष बयान दिएका छन् । यसको अर्थ धिताल समूहले नक्कली ऋणी खडा गरेर अरूको नाममा समेत ऋण लिएर पचाउन खोजेको देखिएको छ ।

सर्वसाधारणको यति धेरै रकम संकटमा पर्दा समेत सामान्य अवस्थाको संकटग्रस्त वित्तीय संस्थालाई संकटग्रस्त घोषणा गरी पीसीए (शीघ्र सुधारात्मक कारबाही) को व्यवस्था लागू गर्ने राष्ट्र बैंक भने यो काण्डमा मौन बसेको छ । बरु उल्टै बैंक डुबाउने खेलमा लागेकाले आफूहरूले गभर्नरलाई समेत चलाउन सक्ने ध्वाँस दिँदै अन्य सञ्चालकलाई धम्क्याउने र डेढ वर्षको अवधिमा निक्षेप संकलन तथा कर्जा लगानीमा दोब्बरले फड्को मारेको बैंकलाई सखाप पर्ने खेल सुरु गरेका छन् ।