काठमाडौँ – ‘पोइल जान पाम…’ बाट बदलिएको तीज गीत संस्कृति ‘ढाँडे विरालो…’सम्म आइपुग्यो । दंगाली चेली कोमल वलीले तीजको संस्कृतिलाई केही नयाँ पारा ल्याएको ८ बर्ष वित्यो । त्यही शैलीका गीतहरु पछिल्लो समय तीज पर्वमा छाएका छन् । दंगाली चेलीलाई उछिन्दै अघिल्लो बर्ष रोल्पाकी चेली ज्योति मगर ढाँडे विरालो ल्याइन ।
घर र माइतीमा चेलीले पाएका सास्ती र सुखमयका अनुभव गीतबाट बाहिर ल्याउने प्रचलन तीजमा थियो । तर विगत ८ बर्षयता नेपालमा सवैभन्दा बढि गीतको खेति तीज पर्वमै हुने गरेको छ । यस बर्षमात्र तीजलाई लक्षित गरी करिव ३ सय गीतहरु बजारमा आएका छन् । बजारमा आएका गीत मध्ये अधिकाँस कोमल वलीको शैलीलाई पछ्याउने खाल्का छन् भने केही मात्रामा पुराना शैलीका छन् ।
एउटा म्यूजिक भिडियो सहितको गीत तयार गर्न कम्तिमा एक लाख ५० हजार रकम खर्च हुने लोक गायक कृष्ण रेउले बताउँछन् । यसबर्ष मात्र करिव ४ करोड ५० लाखका तीज गीत बजारमा आए । कतिपय गीतका म्यूजिक भिडियोले राम्रो आम्दानी गरेपनि कतिपयले भने खर्च पनि उठाउन सकेनन् ।
नेपालमा झण्डै साना, ठुला र धर्म, संस्कृति अनुसारका एक सय पर्वहरु मनाइन्छन् । तर सवैभन्दा बढि गीतको ब्यापार तीजमै हुने गरेको छ । प्रत्येक बर्ष करिव तीजलाई लक्षित गरी २ सय भन्दा बढि म्यूजिक भिडियो निस्किँदै आएका थिएँ भने यो बर्ष झण्डै तीन सय म्यूजिक भिडियो बजारमा आएका छन् ।
अधिकाँस महिला गायिकाले तीज पर्वमा आफ्नो कोसेली भन्दै तीज गीत बजारमा ल्याउने गरेका छन् । उनीहरुले गीतलाई मौलिकता र शब्द विन्यासमा ध्यान दिँदैनन् । छमछम नाच्न मिल्ने खाल्का गीतहरु रोजाइमा पार्दछन् । ती गीतले मात्र खर्च उठाउन सक्ने भएपछि गायीकाहरु पनि यसकै पछि लाग्ने गरेका छन् ।
- एस काठमाडौँ
