×

Live on

रेडियो अर्थ सरोकार

Listen to live radio.

१४ मन्त्रीको सेयरमा लगानी, कुन मन्त्रीसँग कुन बैंकको सेयर ? (विवरण सहित)

GLOBAL IME BANK

१४ मन्त्रीको सेयरमा लगानी, कुन मन्त्रीसँग कुन बैंकको सेयर ? (विवरण सहित)

१० पुष २०७३, आईतवार

पढ्न लाग्ने समय: ३ मिनेटभन्दा कम

भर्खरै सम्पत्ति विवरण बुझाएका मन्त्रीहरूको सम्पत्तिमा सेयरमा लगानी पनि केही देखिएको छ । ३१ जना मन्त्रीहरूको सम्पत्ति विवरण केलाउने हो भनेचाहि एक दर्जनको पनि सेयरमा लगानी देखिन्न । लगानी भएका मन्त्रीहरूको पनि केही सीमित आईपीओ र सामान्य लगानी छ ।

धेरैजसोको त विद्यालय, कलेज र अन्य व्यापारिक कम्पनीमा लगानी देखिएको छ । अन्यथा उनीहरू सुन र जग्गामा नै लगानी गर्न उत्साहित देखिन्छ । नेपालका राजनीतिज्ञहरू सेयर बजारप्रति सकारात्मक धारणा नहुनुमा उनीहरूको सेयर लगानी नहुनु, बजारबारे जानकारी नहुनु आदि कारणहरूलाई लिइने गरिएको छ । निर्णायक तहमा रह“दा दोस्रो बजारबाट सेयर खरिदलाई गैरकानुनी मानिए पनि प्राथमिक सेयर निष्काशन (आईपीओ)मा भने लगानी गर्न सकिने भनेर नियामक निकाय राष्ट्र बैंक, धितोपत्र बोर्ड र नेप्सेका कर्मचारी र ब्रोकरहरूसमेतले लगानी गर्ने गरेको पाइन्छ ।

तर, हाल सरकारमा रहेर आफ्नो सम्पत्ति विवरण पेश गर्ने ३१ मन्त्रीहरूमध्ये ११ मन्त्रीसँग मात्रै सूचीकृत संस्थाको सेयर रहेको छ । यस्ता कम्पनीको सेयर स्वामित्वका आधारमा सबैभन्दा धेरै सेयर हुनेमा भूमिसुधार मन्त्री विक्रम पाण्डे अग्रस्थानमा छन् । राप्रपाका नेता तथा व्यवसायी रहेका पाण्डे र उनको पार्टीका अकौ नेता बाणिज्य मन्त्री दीपक बोहराको धेरै लगानी रहेको छ । सबैभन्दा धेरै सेयर भए पनि पाण्डेसँग प्राइम बैंकको मात्रै सेयर छ । त्यस्तै, सबैभन्दा कम सेयर हुने मन्त्रीमा सामान्य प्रशासन मन्त्री केशवबहादुर बुढाथोकी छन् । उनीसँग कृषि विकास बैंकको ३७ कित्ता सेयर छ ।

कतिपय मन्त्रीहरूले पैतृक सम्पत्तिको रुपमा समेत सेयर पाएको उल्लेख गरेका छन् । स्वाथ्यमन्त्री गगन थापास“ग आफू र आफन्तका नाममा सूचीकृत संस्थाको २२ हजार ७ सय १९ कित्ता सेयर छ । थापाकी श्रीमती अञ्जना केसी थापा, पिता महेन्द्रकुमार थापा, छोरी गार्गी ए थापा र जियना ए थापाका नाममा समेत सेयर रहेको छ । जलविद्युत् लगानी तथा विकास कम्पनी, नेपाल इन्भेष्टमेन्ट, बैंक अफ काठमाण्डू लुम्बिनीलगायतमा पनि थापा परिवारको लगानी रहेको छ । थापासँग स्थानीयमा सेयर जारी गरेको तर सर्वसाधारणमा सेयर जारी गर्न नसकेको अपर तामाकोशी  जलविद्युत् कम्पनीको २ सय ९३ कित्ता सेयर छ ।

उर्जामन्त्री जनार्दन शर्माले आफ्नो सम्पत्ति विवरणमा एकपटक ‘सनराइज बैंक’ उल्लेख गरेर पुनः त्यसलाई मेटेका छन् । उनीसँग  सो बैंकको सेयर भए पनि बिक्री गरिसकेका कारण मेटिएको हुनसक्ने या आपूmले खरिद गरे पनि अन्य व्यक्तिको नाममा खरिद गरेका कारण उल्लेख गर्न नपर्ने भएर मेटिएको हुनसक्छ । मन्त्री शर्माले पिपुल्स हाइड्रो सहकारीमा ५ हजार कित्ता सेयर रहेको उल्लेख गरेका छन् । अन्य कतिपय मन्त्रीको सूचीकृत संस्थाको सेयरमा लगानी छैन तर विभिन्न कलेज, सहकारी संस्था, कन्स्ट्रक्सन कम्पनीलगायतमा
सेयर लगानी देखिन्छ । हृदयराम थानी, प्रकाशशरण महत, बालकृष्ण खाणलगायतले कलेजमा लगानी गरेका छन् । 
बजारको अपडेट छैन
धेरैजसो मन्त्रीले पैत्तृक सम्पत्तिका रुपमा पाएको, कुनै समयमा प्राथमिक सयरमा लगानी गरेकाले पनि होला, बजारबारे अपडट नभएको समेत पाइयो । कतिपय मन्त्रीले मर्ज भएर अर्को संस्थामा विलय भएका संस्थाको समेत सेयर देखाउनुले यही संकेत गर्छ । मन्त्री रमेश लेखक र बालकृष्ण खा“णले लर्ड बुद्ध फाइनान्स (विवरणमा बैंक उल्लेख) को सेयर रहेको उल्लेख गरेका छन् । जबकि यो संस्था ग्लोबल आईएमई बैंकस“ग मर्ज भएको वर्षौं भइसकेको छ । उनीहरूलाई आफुसँग सेयर भएको कम्पनी कहाँ पुग्यो भन्ने पनि थाहा छैन । त्यस्तै, हृदयराम थानीेले डेभलपमेन्ड क्रेडिट बैंकमा सेयर रहेको देखाएका छन् । जबकी यो नाम गरेको कुनै
बैंक छैन । डेभलपमेन्ट क्रेडिट विकास बैंक स्तरोन्नती भएर डीसीबीएल बैंक बनेको र नाम फेरेर पुनः ग्राण्ड बैंक बनेको थियो । सो बैंक पनि प्रभु बैंकसँग बिलिन भएको लामो समय भैसकेको छ । उनको आफ्नै नाममा सो बैंकको ४० कित्ता सेयर रहेको देखिन्छ । त्यस्तै मन्त्री रमेश लेखकसँग त डुबेका कम्पनीको पनि सेयर छ । हाल समस्याग्रस्त रहेको कुबेर मर्चेन्ट फाइनान्स र वल्र्ड मर्चेन्ट फाइनान्समा पनि मन्त्री लेखकको सेयर रहेको देखिन्छ ।

कुन मन्त्रीसँग कुन बैंकको सेयर ?


बिक्रम पाण्डेः प्राइम कमर्शियल बैंक, कालिका पावर कम्पनी, कालिका कन्स्ट्रक्शन, कालिका इनर्जी, कालिका इन्फोटेक, कालिका इलेक्ट्रोपावर, कालिका आर्शिवाद माइनिङ, कालिका टिभी, कालिका एफएम, कालिका इन्टरनेशनल ।

रमेश लेखकः कुबेर मर्चेन्ट फाइनान्स, वल्र्ड मर्चेन्ट फाइनान्स, एनएमबी बैंक, एनआईसी एशिया, लर्ड बुद्ध फाइनान्स (हाल ग्लोबल आईएमई बैंक), काष्ठमण्डप डेभलपमेन्ट बैंक, प्राइम कमर्सियल बैंक, सिटिजन्स बैंक र रिडी हाइड्रोपावर कम्पनीमा ११०० कित्ता छ ।

प्रकाशशरण महतः सिटिजन्स बैंकमा करिब १ लाख कित्ता, कुमारी बैंक, सिद्धार्थ बैंक, स्कुल अफ जोमेट्रिक्स, ग्लोवल कलेज, बिष्णुमति कलेज, अस्याङ एजुकेशन ।

बालकृष्ण खांड :लर्ड बुद्ध फाइनान्स, ग्लोबल आईएमई बैंक, नेपाल एसबीआई बैंक, नेपाल सेयरमार्केट फाइनान्स, रिलायन्स फाइनान्स, स्तुपा सहकारी, राजधानी ग्यास, कुमारी बैंक, मायादेवी टेक्निकल कलेज, भुवनेश्वरी इन्भेष्टमेन्ट ।

दीपक बोहराः बैंक अफ काठमाण्डू, लुम्बिनी, नबिल, एभरेष्ट, सेञ्चुरी, कृषि बिकास बैंक, एससिटी र सिंगटी हाइड्रो । जीवनबहादुर शाहीः कृषि विकास बैंक, चिलिमे जलविद्युत् कम्पनी, ज्योती बिकास बैंक, शुभचिन्तक सहकारी, माउन्ट कैलाश इनर्जी प्रालि ।

विमलेन्द्र निधिः कृषि विकास बैंक, नवबिहानी सहकारी र बीपी स्मृति अस्पताल ।

अर्जुननरसिंह केसीः कृषि बिकास बैंक । हितराज पाण्डेः नेपाल इन्भेष्टमेन्ट बैंक ।

केशवकुमार बुढाथोकी – कृषि विकास बैंक

रोमी गौचन थकालीः फेवा विकास बैंक, एलिको इन्स्योरेन्स, ग्रामर फाउण्डेशन र धौलागिरी बोडिङ स्कुल ।

नवीन्द्रराज जोशीः एस डेभलपमेन्ट बैंक, ग्लोबल आइएमई बैंक, सम्पूर्ण एकेडेमी, किमिट कलेज ।

जनार्दन शर्माः सनराइज बैंक, पिपल्स हाइड्रोपावर ।

गगन थापाः एनआईसी एशिया बैंक, मेगा बैंक, सिभिल बैंक, सिटिजन्स बैंक, अपी पावर, अपर तामाकोशी हाइडो, ग्रिन डेभलपमेन्ट बैंक, नेपाल इन्भेष्टमेन्ट बैंक, न्यादीखोला हाइड्रो, खानीखोला हाइडो, जलविद्युत् लगानी तथा विकास कम्पनी, बैंक अफ काठमाडौं, बरुण हाइड्रोपावर, जनता बैंक ।

-सेयर बजार साप्ताहिकबाट 

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: