×

Live on

रेडियो अर्थ सरोकार

Listen to live radio.

‘अवको निकास, आर्थिक बिकास’ दुर्गा प्रसाद काफ्लेको विश्लेषण

GLOBAL IME BANK

‘अवको निकास, आर्थिक बिकास’ दुर्गा प्रसाद काफ्लेको विश्लेषण

२६ माघ २०७३, बुधबार

पढ्न लाग्ने समय: १ मिनेटभन्दा कम

  • दुर्गा प्रसाद काफ्ले 

हाम्रो देश नेपाल अल्पविकसित तथा अतिनै गरिव राष्ट्र मध्ये एक हो । हाम्रो देशले विभिन्न कालखण्ड पार गर्दै, राणाकाल, राजतन्त्र, हुँदै संघीय लोकतान्त्रिक गणतन्त्र नेपाल भइसकेको छ । राजनीतिक क्रान्ति धेरै पटक भयो । २००७ हुँदै २०६२ -६३ सम्म आइपुग्दा १० बर्षे युद्धकाल पनि देशले भोग्यो । जहाँबाट राजतन्त्र फालियो, र गणतन्त्र आयो । तर हामी नेपालीको जीवनमा कुनै पनि भिन्नता आएन । किनभने हाम्रो देशले आजसम्म पनि मिसन र भिजन भएको नेतृत्व पाएको छैन ।
नेपालमा आजसम्म पनि राजनीति मात्र बढी भयो । राजनीति आफ्नै लागि भयो । देश र जनताका लागि राजनीति कहिले पनि भएन । नेता धेरै जन्मिए । तर राम्रो नेतृत्व जन्मिएन । तसर्थ नेपाली जनता अतिनै दयनीय अवस्थामा जीवन चलाइरहेका छन् ।
हाम्रो देशभन्दा अतिनै गरिव देशले आज १०-१५ वर्षको समयमा काँचुली फेरिसकेका छन् ।  तर हाम्रो देश हिजोभन्दा आज र आजभन्दा भोलि कमजोर हुँदै गएको छ । नेपालको २०१६ को अनुमानित जीडीपी २४ खरब मात्र छ भने अनुमानित प्रति व्यक्ति आय ८३७ डलर रुपैयाँ मात्र छ । जुन एसियाकै सबैभन्दा थोरै हो । हामीसँगैका देश र हाम्रो देशको तुलना गर्दा लाजनै लाग्ने अवस्था छ ।
यति सानो मुलुक छ । बिकासका सम्भावना व्यापक छ, तर काम हुँदैन । राजनीतिक पार्टीहरु आफ्नो पार्टी भित्रै अलमलमा परिरहेका छन् । सरकार नै ९-१० महिनाभन्दा बढी टिक्दैन । त्यो छोटो समयमा के नै काम हुन्छ र ? केहि गर्छु भनेर आएपनि विभिन्न बहानामा उसलाई लडाइन्छ । यस्ता विभिन्न राजनीतिक कारणले गर्दा देश अत्यन्तै दयनीय अवस्थामा छ ।
हाम्रो देश अल्पविकसित देशको सुचीबाट बिकासशील देशहरुको सुचीमा जान खोजिरहेको परिप्रेक्षमा अव केहि नपुगेका सूचकलाइ पुर्याउनका लागि सरकारले तत्काल केहि कदम चाल्नुपर्ने देखिन्छ । नत्र माथि उक्लन खोज्ने कुरा एकादेशको कथा हुन सक्छ ।  सरकारले यी कामहरुमा ध्यान दिने हो भने यो लक्ष असम्भव पनि छैन :
  • जलविद्युतमा लगानी बढाउने ।
  • कृषिमा अनुदान बढाउने ।
  • खाद्य सामाग्रीको उद्पादन बढाउने ।

नेपाल सरकारले अत्यावश्यक सामानको स्वदेशमै उत्पादन गर्नु पर्छ । जस्तै चामल, दाल, तेल घ्यु, आदी । यो उत्पादनकालागि सरकारले विभिन्न ठाउँहरुमा कम्पनी खोल्नु पर्दछ । यी समानहरुको उत्पादनहरुको जिम्मा सरकारले लिनुपर्दछ । जसबाट रोजगारीको सिर्जना हुन्छ भने आर्थिक वृद्धिदरमा सहयोग पर्दछ । परनिर्भरता हट्छ भने गरिवी कम हुन्छ । मूल्यवृद्धि नियन्त्रणमा हुन्छ ।
अवको देशको निकास भनेको उत्पादनशील क्षेत्रमा व्यापक लगानी गराएर उद्योग, कृषि, विद्युत लगायतका क्षेत्रमा लगानी बढाएर मात्र देशको बिकासको ढोका खोल्न सकिन्छ । अवको निकास, आर्थिक विकास’
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: