![](https://1.bp.blogspot.com/-iqNscEwe-CM/XQh74nUepdI/AAAAAAABNJk/TYI6iP3kch8a_Da-bcyreFkJHyUg1xZSACLcBGAs/s1600/2.jpg)
काठमाडौँ – नेपालको सबैभन्दा गहिरो तालको रुपमा रहेको फोकसुण्डो ताल डोल्पा जिल्लामा पर्छ । उत्तर–दक्षिण फैलिएको फोक्सुन्डो ताल वरिपरि धेरै भाग चट्टानले घेरेको छ । दक्षिणतिर जंगल छ । तालको आकारप्रकार हेर्न एकै छेउबाट सकिँदैन । एक छेउबाट अर्को छेउ देखिँदैन । शे गुम्बा जाने बाटो माथि डाँडामा गएर हेर्दा पनि तालको पूरै भाग देख्न सम्भव छैन । ताललाई स्थानीयहरू फुक्सुम्धो भन्छन् । डोल्पो भाषामा फुक्सुम्धोको अर्थ नेपालीमा त्रिवेणी हुन्छ । यो भनाइअनुसार ताल झन्डै तीनकुने आकारको छ ।
दक्षिणतिरको भाग भने लामो र तल्लो टुप्पो केही फैलिएको छ । पर्यटकहरू त्यही तल्लो कुनामा पुगेर तालको पूरै आकारको अवलोकन नगरी फर्कने गर्छन् । समुद्री सतहदेखि ३ हजार ६ सय ५० मिटर उचाइमा रहेको फोक्सुन्डो ताल नेपालकै गहिरो मानिन्छ । यसको गहिराइ ६ सय ५० मिटर छ । केहि महिनाअघि भ्रमणका क्रममा उपराष्ट्रपति नन्दबहादुर पुनले ताललाई स्वर्गको टुक्रा भनेका थिए । ताल अवलोकन गर्नेलाई स्वर्गको टुक्रा अनुभूत हुन्छ । सदरमुकाम दुनैदेखि ३६ किमि उत्तरमा पर्ने ताल जान दुनैबाट २ दिन पैदल हिँड्नुपर्छ । यसरी कठिन बाटो काटेर फोक्सुन्डो पुग्दा त्यहाँको सुन्दर दृश्यले बाटाका सबै दुख भुलिने पर्यटकहरूको अनुभव छ ।
उत्तरतिरबाट छाल्फु र ढेवुथान २ ठूला खोलाबाट तालमा पानी प्रवेश गर्छ । दक्षिणतिर रिग्मो गाउँ नजिकको खोला बनेको खोल्साबाट तालको सफा पानी बाहिरिन्छ । यसरी तालबाट बाहिरिएको पानी करिब ५ सय मिटर तल पुगेर १ सय ६७ मिटरको फोक्सुन्डो सुलिगाड झरना बनेर झर्छ । यो झरनाले फोक्सुन्डो परिसरलाई रमणीय बनाएको छ ।
![](https://1.bp.blogspot.com/-d3LUInrxtaE/XQh5ma8HoVI/AAAAAAABNI0/F1448-DJ3_ss3ezh6xo0S9G4P-DIMflxwCEwYBhgL/s1600/foksundo-17.jpg)
![](https://1.bp.blogspot.com/-vlQ6diV8sC4/XQh5mgmPaHI/AAAAAAABNJE/d2D48fitPFs9BlKoYQknNH_T-8DbvQUCgCEwYBhgL/s1600/foksundo-20.jpg)
![](https://1.bp.blogspot.com/-l5kPaKr3XsE/XQh5na0kcpI/AAAAAAABNI8/seoJtcJFgXc81TxX2PBdDuTkCVMClJ1pwCEwYBhgL/s1600/foksundo.jpg)
![](https://1.bp.blogspot.com/-MZkU4_x57Fo/XQh5ntNr_UI/AAAAAAABNJI/Hlgy3aZE_y8azrwbjm6nWaU1gcJDb9_YgCEwYBhgL/s1600/foksundo1.jpg)
![](https://1.bp.blogspot.com/-21enKicY-Ko/XQh5pVGMWWI/AAAAAAABNJI/cKYCMCIZqGYNs-sz-mXHsY47hvYBBV1CQCEwYBhgL/s1600/foksundo3.jpg)
![](https://1.bp.blogspot.com/-ThA1lPbOGMM/XQh5p_qcBEI/AAAAAAABNJE/3836820mFGYHBBipDZVhP2nwbVCJRh3tACEwYBhgL/s1600/foksundo7-1.jpg)
![](https://1.bp.blogspot.com/-Ale8QUAh6UU/XQh5lOOCH5I/AAAAAAABNHs/bfRkxRm3dKUImDstuEKs4ss2ZdulMYCCACLcBGAs/s1600/dolpa1.jpg)
![](https://1.bp.blogspot.com/-DccwlDiazdg/XQh5lmjIPSI/AAAAAAABNHw/WAc_heKF5sE0YBWcMpB9lQ-0zlCKU9GiACLcBGAs/s1600/dolpa6.jpg)
![](https://1.bp.blogspot.com/-BHt1eE_G1Nw/XQh5j9xZgcI/AAAAAAABNHc/rDxaG4NNwLMzF6mj8DN28Cx5c_j9vZrwgCLcBGAs/s1600/dolpa-5.jpg)
![](https://1.bp.blogspot.com/-67hzfqiIcPA/XQh5kF0th4I/AAAAAAABNHk/1tuMuvuxLigA-4wZ9PkRIXs7TBdinZeeACLcBGAs/s1600/dolpa-8.jpg)
![](https://1.bp.blogspot.com/-dCHsslqjb5I/XQh5j4sRGyI/AAAAAAABNHg/QG10rVFGzRwkrbQ_fo_EHTBXbMMwmEJnQCLcBGAs/s1600/dolpa....jpg)
![](https://1.bp.blogspot.com/-uP0W7cPJJmU/XQh5kuuij9I/AAAAAAABNHo/4lMECbGPIPoNobFXooehNIS2PJMX4doBQCLcBGAs/s1600/dolpa.jpg)
![](https://1.bp.blogspot.com/-wA8Tj9x5C3U/XQh5l6JNJBI/AAAAAAABNH0/ELPteN0WAZ85Id4WB2at6XOxBYZDJ3T8ACLcBGAs/s1600/f.jpg)
![](https://1.bp.blogspot.com/-ThA1lPbOGMM/XQh5p_qcBEI/AAAAAAABNIo/2cG4j9UbsU0UvwYsQWsor56mOPnHsNoPgCLcBGAs/s1600/foksundo7-1.jpg)
![](https://1.bp.blogspot.com/-Obf9UuvAPoQ/XQh5qYEfthI/AAAAAAABNIs/F2Mqh-q-O2svkGpBJYcCRUfAGN6xPUXfgCLcBGAs/s1600/foksundo7.jpg)
![](https://1.bp.blogspot.com/-zp7zaQ_sOjw/XQh5oHSszQI/AAAAAAABNIU/C_sFN4guBUEwUW8yApeC9NZ8ofIC2PHZgCLcBGAs/s1600/foksundo10.jpg)
![](https://1.bp.blogspot.com/-nmfq1i5M0EU/XQh5oA0SxeI/AAAAAAABNIY/CLbhXJlXHNsy279H4duc5Vnf858j5uKWQCLcBGAs/s1600/foksundo12.jpg)
![](https://1.bp.blogspot.com/-by97zCWvY-g/XQh5oWLOvpI/AAAAAAABNIc/mQAiVAZO2YoZ0f1I00kVUoYWS8_2y9OlwCLcBGAs/s1600/foksundo15.jpg)
![](https://1.bp.blogspot.com/-QfUH7_uLfEs/XQh5ozRxbsI/AAAAAAABNIg/03xqeuqf_uw3CyXLtiAZRCAXm2V2PSmPwCLcBGAs/s1600/foksundo16.jpg)
![](https://1.bp.blogspot.com/-_N5Ll8PryH0/XQh5mqxy2qI/AAAAAAABNIE/looJRTrmjQAC3-uM24vDga2KX0O9LwS0ACLcBGAs/s1600/foksundo-9-768x511.jpg)
![](https://1.bp.blogspot.com/-XXqEK2fuSHM/XQh5nKsQx9I/AAAAAAABNII/7YJu5mZz_dgvp4BmaYkJAaGssAPxIJUXACLcBGAs/s1600/foksundo-lake.jpg)
तस्विरः देबिकृष्ण राेकाया कर्णाली पर्यटन अभियान्ता ।