×

Live on

रेडियो अर्थ सरोकार

Listen to live radio.

laxmi sunrise bank

सन् २०२० मा भारतले ८३ बिलियन डलर रेमिट्यान्स भित्र्यायो, यस वर्ष भने ०.२ प्रतिशतले कमी

नयाँ दिल्ली । सन् २०२० मा भारतले ८३ बिलियन अमेरिकी डलरभन्दा बढी रेमिट्यान्स भित्र्याएको छ । विश्वव्यापी महामारीको रुपमा फैलिएको कोरोना संक्रमणकाबीच यस वर्ष गत वर्षको तुलनामा ०.२ प्रतिशतले कमी भएको विश्व बैंकको रिपोर्टले देखाएको छ । चीनले सन् २०२० मा ५९.५ बिलियन अमेरिकी डलर रिमिट्यान्स भित्र्याएको छ भने गत वर्ष ६८.३ बिलियन अमेरिकी डल बराबरको रेमिट्यान्समा प्राप्त गरेको थियो । विश्व बैंकले बुधबार सार्वजनिक गरेको तथ्यांक अनुसार चीनमा कोरोना महामारीले रेमिट्यान्स क्षेत्रमा ठूलो प्रभावित गरेको थियो ।
प्रतिवेदनले २०२० मा भारतको रेमिट्यान्स ०.२ प्रतिशतले गिरावट आएको छ । संयुक्त अरब अमीरातबाट हुने रेमिट्यान्समा १७ प्रतिशतको गिरावटले गर्दा भारतको रेमिट्यान्समा ०.२ प्रतिशतले गिरावट आएको हो । भारत र चीनको पछि मेक्सिको रहेको छ । मेक्सिकोमा ४२.८ बिलियन, फिलिपिन्समा ३४.९ बिलियन, इजिप्टमा २९.६ बिलियन, पाकिस्तानमा २६ बिलियन, फ्रान्समा २४ बिलियन र बंगलादेशमा २१ बिलियन अमेरिकी डलर रेमिट्यान्स भित्र्याएका थिए ।
छिमेकी पाकिस्तानमा रेमिट्यान्स १७ प्रतिशतले बढेको छ । सबैभन्दा ठूलो वृद्धि साउदी अरेबियाबाट भएको छ, त्यसपछि युरोपियन युनियन देशहरू र संयुक्त अरब एमिरेट्सबाट रेमिट्यान्स भित्रिएको हो । बंगलादेशमा पनि रेमिट्यान्सले २०२० मा १८ प्रतिशत कायम छ भने श्रीलंकामा ५.८ प्रतिशतले रेमिट्यान्समा वृद्धि भएको छ । यसको विपरित नेपालमा रेमिट्यान्समा झन्डै १७ प्रतिशतले गिरावट भएको देखिएको छ ।
विश्व बैंकले आफ्नो भर्खरैको माइग्रेसन एण्ड डेभलपमेन्ट ब्रिफमा कोभिड-१९ को बावजुद रेमिट्यान्सको प्रवाह २०२० मा लचिलो रहेको बताएको छ ।आधिकारिक रूपमा रेकर्ड गरिएको रेमिट्यान्स प्रवाह निम्न तल्लो र मध्यम आय भएका देशहरूमा २०२० मा ५४० बिलियन डलर पुगेको छ भने २०१९ मा ५४८ बिलियन अमेरिकी डलर भएको थयिो । जुन २०१९ को तुलनामा २०२० मा १.६ प्रतिशतको गिरावट आएको हो ।
Hamro Parto AD
TRITON COLLEGE

प्रतिक्रिया दिनुहोस्

सिफारिस: