यता क्याबिनेटमा रहेका अर्का एक मन्त्रीले पनि ब्रोकरहरुको पूँजीमा केहि संसोधन गरेर सो मस्यौदा पास हुने बताएका छन् । ‘मस्यौदा खारेज नै भएको भन्ने होइन, सो ब्रोकरसम्बन्धि लाइसेन्सको मस्यौदा क्याबिनेटले पास गर्छ । तर ब्रोकरको अलि पूँजी बढी भयो कि भन्ने छ, सम्भवत: यसमा कानुन समितिले पनि हेर्छ, र संसोधित पूँजीसहित क्याबिनेटले सो मस्यौदालाई पास गर्छ ।’ एक अर्का मन्त्रीले अर्थ सरोकारसँग भने- ‘सो मस्यौदाको एजेन्डा आएपछि छलफल भएको भने हो । केहि मन्त्रीले यसलाई आजै पास नगरौँ, बरु कानुन समितिको राय लिऔँ भनेपछि सोहि एजेन्डा पारित भएको हो । खारेज नै भएको भने होइन ।’

यता अहिले भएका सेयर दलाल कम्पनीहरुले भने नयाँ ब्रोकर लाइसेन्स सम्बन्धि मस्यौदा सकेसम्म खारेज गर्न र खारेज गर्न नसके पूँजी संसोधन गर्न तीब्र लबिङ गरिरहेका छन् । अर्थ सरोकारसँग कुराकानी गर्दै एक सेयर दलाल व्यवसायीले भने, ‘हामीले सकेसम्म सो मस्यौदा खारेज नै गर्न लविङ गरिरहेका छौँ । बरु हाम्रो एसोसिएसनका अध्यक्ष लगायतले यसमा खासै पहल गर्नुभएको छैन । हामी केहि साथीहरु यसमा लागेका छौं । सकेसम्म खारेज नै गर्नु र खारेज गर्न नसके पूँजी संसोधन गर्नू भनी हामी लविङमा लागेका छौँ । खारेज नै गर्ने स्थिति नभए पूँजीचाहिँ संसोधन हुन्छ।’ उनका अनुसार क्याबिनेटमा एजेन्डाका रुपमा आएको मस्यौदा खारेज भएको छैन । ‘बाहिर खारेज नै भयो भन्ने चर्चा सुनेपछि मैले पनि बुझेँ, तर खारेज भएको होइन, कानुन समितिमा गएको हो भन्ने बुझेँ । सायद हाम्रो पूँजी संसोधनसम्बन्धि माग पूरा हुन्छ होला।’