काठमाडौं । वाणिज्य बैंकहरुले गत आर्थिक वर्षमा ७४ अर्ब ८० करोड रुपैयाँ नाफा गरेका छन् । आर्थिक बर्ष २०७८-७९ मा बैंकहरुले यस्तो नाफा गरेका हुन् । बैंकहरुले गरेको यो नाफा अघिल्लो आर्थिक बर्षको तुलनामा बढी हो । अघिल्लो आर्थिक बर्षमा बैंकहरुले ६० अर्व ७४ करोड कुल नाफा कमाएका थिए । बैंकले जति कमाए पनि ती बैंकहरुले लाभांश दिएनन् भने सेयरधनीहरुलाई अर्को बर्ष कुर्नु कुर्नुबाहेक कुनै पनि खुसीको विषय हुँदैन । र त लाभांश क्षमताले बैंक कति बलियो छ भन्ने देखाउँछ भने दोश्रो बजारमा कुन सेयर किन्दा फाइदा हुन्छ भन्ने तथ्य पनि देखाउंछ । आज हामीले कुन बाणिज्य बैंकको कति लाभांश दिने क्षमता छ र बिगतमा ती बैंकहरुले कति लाभांश दिएका थिए भन्ने चार्ट प्रस्तुत गर्दैछौँ ।
१. नबिल बैंक लिमिटेड
लगानीकर्तालाई रिटर्न दिने मामलामा नबिल बैंक लिमिटेड सधैंजसो अब्बल देखिन्छ । गत आर्थिक वर्षमा सबैभन्दा बढी नाफा आर्जन गर्ने बैंकहरुमध्ये तेस्रो स्थानमा रहेको नबिल बैंक लिमिटेडले गतवर्ष ४ अर्ब ९७ करोडभन्दा बढी खुद नाफा कमाएको छ । समिक्षा अवधिसम्ममा बैंकको वितरणयोग्य मुनाफा ९ अर्ब १२ करोडभन्दा बढी रहेको छ भने लाभांश क्षमता ३९.९४ प्रतिशत रहेको छ । बैंकले यसपटक ३५ देखि ३८ सम्म लाभांश दिने प्रक्षेपण गरिएका बेला बैंकको लाभांश क्षमताले पनि बैंक त्यसका लागि तयार रहेको देखाउँछ । हालै नेपाल बंगलादेश बैंकलाई प्राप्ति गरेको बैंकको रिजर्ममा राम्रो रकम रहेकाले पनि बैंकलाई २५ देखि सम्म लाभांश दिन गाह्रो छैन । बैंक यसपटक ३८ औँ बर्षमा प्रवेश गरेकाले पनि बैंकले ३८ प्रतिशत लाभांश खुवाउँछ भन्ने चर्चा छ ।
२. एनआईसी एशिया बैंक लिमिटेड
बैंकका सेयरहरु हेर्ने हो भने नबिल राम्रो कि एनआईसी एशिया भन्ने बहस अहिले पनि टड्कारो बहस हो । नाफा कमाउनेहरुमा चौथो बनेको एनआईसी एसिया बैंक लिमिटेडले गत आर्थिक वर्षमा ४ अर्ब ५२ करोडभन्दा बढी खुद नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा २ अर्ब २४ करोडभन्दा बढी रहेको छ भने बैंकको लाभांश क्षमता १९.३७ प्रतिशत रहेको छ। तर नियामकीय प्रावधानलाई पूरा गर्न नसक्दा यो बैंकले यसपटक पनि लाभांश खुवाउँछ भन्ने कुरामा शंका छ ।
३. सिद्धार्थ बैंक लिमिटेड
नबिल बैंक र एनआईसी एशियापछि सेयर धनीले खोज्ने बाणिज्य बैंकको सेयर भनेको सिद्धार्थ बैंक हो । गत आर्थिक वर्षको अन्त्यसम्ममा सिद्धार्थ बैंक लिमिटेडले ३ अर्ब २१ करोड ९७ लाख रुपैयाँ खुद नाफा आर्जन गरेको छ। बैंकले सार्वजनिक गरेको गतवर्षको अन्त्यसम्मको वित्तीय विवरण अनुसार बैंकको वितरणयोग्य मुनाफा २ अर्ब १० करोड ६८ लाख रुपैयाँ रहेको छ भने बैंकको लाभांश क्षमता १६.८२ प्रतिशत रहेको छ।
४. ग्लोबल आईएमई बैंक लिमिटेड
बैंक अफ काठमाण्डुसँग मर्जरमा जाने तयारी गरिरहेको ग्लोबल आइएमई बैंक लिमिटेडले गत वर्ष ५ अर्ब २० करोड रुपैयाँभन्दा बढी खुद नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा ३ अर्ब १९ करोडभन्दा बढी रहेको छ भने बैंकको लाभांश क्षमता १३.४० प्रतिशत रहेको छ ।
५. सिटिजन्स बैंक लिमिटेड
सिटिजन्स बैंक इन्टरनेशनल लिमिटेडले २ अर्ब २५ करोड ११ लाख रुपैयाँ खुद नाफा कमाएको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब ४२ करोड ४६ लाख रुपैयाँ रहेको छ भने लाभांश क्षमता १०.०३ प्रतिशत रहेको छ । तर यो बैंकले यतिको लाभांश खुवाउँछ भन्ने कुरामा सार्है शंका छ ।
सिटिजन्स बैंक इन्टरनेशनल लिमिटेडले २ अर्ब २५ करोड ११ लाख रुपैयाँ खुद नाफा कमाएको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब ४२ करोड ४६ लाख रुपैयाँ रहेको छ भने लाभांश क्षमता १०.०३ प्रतिशत रहेको छ । तर यो बैंकले यतिको लाभांश खुवाउँछ भन्ने कुरामा सार्है शंका छ ।
६. प्रभु बैंक लिमिटेड
सेन्चुरी कमर्सियल बैंकलाई प्राप्तिको तयारी गरिरहेको प्रभु बैंक लिमिटेडले गत आर्थिक बर्षमा २ अर्ब ६० करोड ३ लाख रुपैयाँ खुद नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब ४१ करोड ३३ लाख रुपैयाँ रहेको छ भने लाभांश क्षमता ११.१० प्रतिशत रहेको छ ।
७. माछापुच्छ्रे बैंक लिमिटेड
गत आर्थिक वर्षमा माछापुच्छ्रे बैंक लिमिटेडको वितरणयोग्य मुनाफा १ अर्ब ३२ करोड ४८ लाख रुपैयाँ रहेको छ । बैंकले सार्वजनिक गरेको वित्तीय विवरण अनुसार गतवर्ष बैंकले २ अर्ब १६ करोड ९ लाख रुपैयाँ खुद नाफा आर्जन गरेको छ भने बैैकको लाभांश क्षमता १२.९५ प्रतिशत रहेको छ।
गत आर्थिक वर्षमा माछापुच्छ्रे बैंक लिमिटेडको वितरणयोग्य मुनाफा १ अर्ब ३२ करोड ४८ लाख रुपैयाँ रहेको छ । बैंकले सार्वजनिक गरेको वित्तीय विवरण अनुसार गतवर्ष बैंकले २ अर्ब १६ करोड ९ लाख रुपैयाँ खुद नाफा आर्जन गरेको छ भने बैैकको लाभांश क्षमता १२.९५ प्रतिशत रहेको छ।
८. सानिमा बैंक लिमिटेड
राम्रो बैंकका रुपमा ख्याती कमाएको तर पछिल्लो समय नाफा घटाएको सानिमा बैंक लिमिटेडले २ अर्ब २९ करोड २९ लाख रुपैयाँ खुद नाफा कमाएको छ । समिक्षा अवधिसम्ममा बैंकको वितरणयोग्य मुनाफा १ अर्ब ४६ करोड ९९ लाख रुपैयाँ रहेको छ भने बैंकले सेयरधनीहरुलाई १२.९७ प्रतिशत लाभांश दिने क्षमता राख्दछ ।
राम्रो बैंकका रुपमा ख्याती कमाएको तर पछिल्लो समय नाफा घटाएको सानिमा बैंक लिमिटेडले २ अर्ब २९ करोड २९ लाख रुपैयाँ खुद नाफा कमाएको छ । समिक्षा अवधिसम्ममा बैंकको वितरणयोग्य मुनाफा १ अर्ब ४६ करोड ९९ लाख रुपैयाँ रहेको छ भने बैंकले सेयरधनीहरुलाई १२.९७ प्रतिशत लाभांश दिने क्षमता राख्दछ ।
९. लक्ष्मी बैंक लिमिटेड
लक्ष्मी बैंक लिमिटेडले गत आर्थिक वर्षमा १ अर्ब ६० करोड ३५ लाख रुपैयाँ नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब २५ करोड ५२ लाख रुपैयाँ रहेको छ । त्यस्तै बैंकको लाभांश क्षमता १०.८६ प्रतिशत रहेको छ ।
लक्ष्मी बैंक लिमिटेडले गत आर्थिक वर्षमा १ अर्ब ६० करोड ३५ लाख रुपैयाँ नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब २५ करोड ५२ लाख रुपैयाँ रहेको छ । त्यस्तै बैंकको लाभांश क्षमता १०.८६ प्रतिशत रहेको छ ।
१०. सनराइज बैंक लिमिटेड
सनराइज बैंक लिमिटेडले गत आर्थिक वर्षको अन्त्यसम्ममा २ अर्ब १५ करोड ९ लाख रुपैयाँ खुद नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा २५ करोड ६१ लाख रुपैयाँ रहेको छ भने बैंकको लाभांश क्षमता २.५३ प्रतिशत मात्रै रहेको छ। लाभांशको हिसाबले यो झुर बैंकमध्येको एक हो । अव यो बैंक अर्को कुनै राम्रो बैंकसँग मर्जरमा जानुको विकल्प नरहेको जानकारहरु बताउँछन् ।
११. नेपाल क्रेडिट एण्ड कमर्स बैंक
गत आर्थिक वर्षको अन्त्यसम्ममा नेपाल क्रेडिट एण्ड कमर्स बैंक लिमिटेड (एनसीसी)ले २ अर्ब २ करोडभन्दा बढी खुद नाफा आर्जन गरेको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब ४७ करोडभन्दा बढी छ भने बैंकको लाभांश क्षमता १३.१९ प्रतिशत रहेको छ ।
१२. नेपाल इन्भेष्टमेण्ट बैंक
मेगा बैंकसँग मर्जरमा जान लागेको नेपाल इनभेष्टमेण्ट बैंक लिमिटेडले गत आर्थिक वर्षमा ४ अर्ब ८ करोडभन्दा बढी खुद नाफा गरेको छ। ब्ैंकको वितरणयोग्य नाफा भने २ अर्ब ३ करोड ८३ लाखभन्दा बढी रहेको छ । बैंकको ११.०८ प्रतिशत लाभांश क्षमता रहेको छ।
१३. स्ट्याण्डर्ड चार्टर्ड बैंक लिमिटेड
स्ट्याण्डर्ड चार्टर्ड बैंक लिमिटेडले गत आर्थिक वर्षमा २ अर्ब २६ करोड ९८ लाखभन्दा बढी खुद नाफा आर्जन गरेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा १ अर्ब ५९ करोडभन्दा बढी रहेको छ भने बैंकको लाभांश क्षमता १६.८६ प्रतिशत रहेको छ ।
१४. एभरेष्ट बैंक
गत आर्थिक वर्षको चौथो त्रैमाससम्ममा एभरेष्ट बैंकको खुद नाफा २ अर्ब ५४ करोड ६० लाख रूपैयाँ भन्दा बढी रहेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा ३ अर्ब ८९ करोड ५४ लाख रूपैयाँभन्दा बढी रहेको छ भने लाभांश क्षमता ४१.३२ प्रतिशत रहेको छ । जुन २६ बैंकमध्ये सबैभन्दा धेरै लाभांश क्षमता हो ।
१५. हिमालयन बैंक
हिमालयन बैंक लिमिटेडले गत आर्थिक वर्षमा २ अर्ब ४८ करोडभन्दा बढी खुद नाफा आर्जन गरेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा २ अर्ब ६६ करोडभन्दा बढी रहेको छ भने बैंकको लाभांश क्षमता २०.५१ प्रतिशत रहेको छ ।
१६. प्राइम कमर्सियल बैंक
गत आर्थिक वर्षमा प्राइम कमर्सियल बैंक लिमिटेडले ३ अर्ब ६८ करोड १२ लाख रुपैयाँ खुद नाफा आर्जन गरेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा २ अर्ब ३४ करोड ६४ लाख रुपैयाँ रहेको छ भने लाभांश क्षमता १२.६७ प्रतिशत रहेको छ ।
१७. कुमारी बैंक लिमिटेड
गत आर्थिक वर्षको अन्त्यसम्ममा कुमारी बैंक लिमिटेडले २ अर्ब ८३ करोड ५२ लाख रुपैयाँ खुद नाफा आर्जन गरेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा १ अर्ब ७७ करोड ३९ लाख रुपैयाँ रहेको छ भने लाभांश क्षमता १२.०५ प्रतिशत रहेको छ ।
१८. कृषि विकास बैंक
यस्तै गत आर्थिक वर्षमा कृषि विकास बैंकले २ अर्ब ६९ करोड मात्र खुद नाफा कमाएको छ । गतवर्षको चौथो त्रैमाससम्मको वित्तीय विवरण अुनसार बैंकको वितरणयोग्य मुनाफा ३ अर्ब ९० करोडभन्दा बढी रहेको छ भने लाभांश क्षमता २९.५७ प्रतिशत रहेको छ ।
१९. एनएमबी बैंक
एनएमबी बैंकले गत आर्थिक वर्षमा ३ अर्ब ७० करोडभन्दा बढी खुद नाफा आर्जन गरेको छ बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा २ अर्ब ३९ करोडभन्दा बढी रहेको छ भने लाभांश क्षमता १३.०१ प्रतिशत रहेको छ ।
२०. बैंक अफ काठमाडौं
ग्लोबल आईएमई बैंकसँग मर्जर सम्झौता भएको बैंक अफ काठमाण्डूले गत आर्थिक वर्षमा १ अर्ब ८२ करोड रुपैयाँ नाफा आर्जन गरेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा १ वर्ष ३० करोड रुपैयाँ रहेको छ भने बैंकको लाभांश क्षमता १२.२३ प्रतिशत छ ।
२१. नेपाल बैंक लिमिटेड
नेपाल बैंक लिमिटेडेल गत आर्थिक वर्षमा ३ अर्ब २६ करोड रुपैयाँ नाफा कमाएको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा भने १ अर्ब ५४ करोड रुपैयाँ रहेको छ । यसबाट बैंकले सेयरधनीलाई १० प्रतिशत लाभांश दिने क्षमता रख्छ ।
२२. सेञ्चुरी बैंक
प्रभु बैंकसँग मर्जरको तयारीमा रहेको सेञ्चुरी बैंकले गत वर्ष १ अर्ब ३५ करोड रुपैयाँ नाफा आर्जन गरेको छ । बैंकले सार्वजनिक गरेको गतवर्षको अन्त्यसम्मको अपरिष्कृत वित्तीय विवरण अनुसार बैंकको वितरणयोग्य मुनाफा ९१ करोड रुपैयाँ गरेको छ भने बैंकको लाभांश क्षमता ९ प्रतिशत रहेको छ ।
२३. सिभिल बैंक लिमिटेड
हिमालयन बैंकसँग मर्जरको तयारीमा रहेको सिभिल बैंक लिमिटेडले सार्वजनिक गरेको वित्तीय विवरण अनुसार बैंकल १ अर्ब ३८ करोड रुपैयाँ नाफा आर्जन गरेको छ । बैंकको वित्तीय विवरणका आधारमा वितरणयोग्य मुनाफा १ अर्ब छ भने बैंकको लाभांश क्षमता ११ प्रतिशत रहेको छ ।
२४. मेगा बैंक लिमिटेड
नेपाल इन्भेष्टमेन्ट बैंकसँग मर्जरको तयारीमा रहेको मेगा बैंक लिमिटेडले गत आर्थिक वर्षमा २ अर्ब ८३ करोड रुपैयाँ नाफा कमाएको छ । बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १ अर्ब ६३ करोड रुपैयाँ रहेको छ भने बैंकले सेयरधनीलाई १० प्रतिशत लाभांश दिने क्षमता राख्छ ।
२५. नेपाल एसबीआई बैंक
त्यस्तै गत आर्थिक वर्षको अन्त्यसम्मको अपरिष्कृत वित्तीय विवरण सार्वजनिक गदैं नेपाल एसबीआई बैंक लिमिटेडले१ अर्ब ६३ करोड ८२ लाख रुपैयाँ खुद नाफा आर्जन गरेको जनाएको छ । समिक्षा अवधिसम्ममा बैंकको वितरणयोग्य मुनाफा १ अर्ब ४४ करोड ८८ लाख रहेको छ भने बैंकका लाभांश क्षमता १४.७४ प्रतिशत रहेको छ ।
