काठमाडौँ । सनराइज क्यापिटलका प्रमुख कार्यकारी अधिकृत बिजयलाल श्रेष्ठले सनराइज म्युचुअल फण्ड अन्तर्गत सनराइज फोकस्ड इक्वीटी फण्ड पब्लिकले नरुचाएको स्वीकारेका छन् । आफ्नो म्युचुअल फण्डलाई पब्लिकबाट खासै राम्रो प्रतिक्रिया नआएको बताउँदै उनले पब्लिकका तर्फबाट आफ्नो म्युचुअल फण्ड नरुचाइएको स्वीकारेका हुन् ।

‘पब्लिकबाट खासै राम्रो रेस्पोन्स आएन । अव संस्थागत लगानीकर्ताकै भर हो ।’ अर्थ सरोकारसँग कुराकानी गर्दै उनले भने, ‘प्रचारप्रसार पनि प्रभावकारी देखिएन । पब्लिकबाट जस्तो रेस्पोन्सको अपेक्षा थियो, त्यो भएन । अव संस्थागत लगानीकर्ताले लगानीकर्तामै फोकस गर्ने योजनामा छौं ।’

उनका अनुसार सनराइजको म्युचुअल फण्ड (सनराइज फोकस्ड इक्वीटी फन्ड पूरा नबिक्ने लगभग पक्कापक्की भएको छ । ‘पब्लिकले थाहा पाउनुपर्नेजति पनि थाहा नभएको हो कि भन्ने निष्कर्ष छ हाम्रो । भरेकाले पनि १० कित्तामात्र भरेका छन् । १ अर्व २० करोडको बराबरको इकाईमध्ये संस्थागतसमेत गरेर १ अर्वचाहिं हुन्छ कि भन्ने छ । तर हाम्रो फण्ड नबिक्ने पक्का छ ।’ अर्थ सरोकारसँग कुराकानी गर्दै उनले भने ।