काठमाडौँ । डा.निकोलस भुसाल पक्राउ परेका छन् । पूर्वगृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछाने हिरासतमा सुतिरहेको फोटो खिचेर भाइरल गरेको आरोपमा भुसाल पक्राउ परेका हुन् ।
उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले काठमाडौँको थलीबाट पक्राउ गरेको हो ।
भुसालले हिरासतमा सुतिरहेका रवि लामिछानेको फोटो प्रहरीको सीसीटिभिमा आफूले खिचेको स्वीकार गरिसकेका छन् । उनले सामाजिक सञ्जालमार्फत शनिबार रविलाई भेट्न गएको बेला रवि हिरासतभित्र सुतिरहेको फोटो खिचेको बताएका छन् ।
पक्राउ परेका भुसाललाई थप अनुसन्धान तथा कारवाहीका लागि पोखरा पठाउने तयारी भइरहेको प्रहरीले जनाएको छ ।
