काठमाडौँ । नेकपा एमालेका अध्यक्ष केपी शर्मा ओलीले निर्वाचनमा एमालेलाई विजयी गराउन आह्वान गरेका छन् । पार्टीको मुख्यालय च्यासलमा आयोजित कार्यक्रमलाई सम्बोधन गर्दै ओलीले यस्तो बताएका हुन् । 

पूर्व प्रधानमन्त्रीसमेत रहेका ओलीले फागुन २१ गते निर्वाचनमा एमालेलाई विजयी बनाउने काममा सक्रियतापूर्ण लाग्न पनि आग्रह गरेका छन् । 

ओलीले देश र जनताको हितमा काम गर्नका लागि पनि आगामी निर्वाचनमा नेपाली जनताले एमालेलाई विजयी गराउनुपर्ने जिकिर गरेका छन् । उनले मुलुकमा शान्ति, समृद्धि र विकासले गति लिन पनि आगामी निर्वाचनमा एमाले विजयी हुनुपर्ने बताएका छन् ।

त्यस्तै, नेपाली समाजलाई सभ्य र सुसंस्कृतिको बाटोमा फर्काउन पनि आगामी निर्वाचनपछि एमालेले सरकार बनाउनुपर्ने ओलीले बताएका छन् ।