काठमाडौं । वैदेशिक लगानीलाई आकर्षित गर्ने भनेर निकै तामझामका साथ आयोजना गरिएको लगानीसम्मेलन कर्मकाण्डीजस्तै बनेर सकिएको छ । कुनै ठोस उपलब्धि बिना सम्पन्न भएको सो सम्मेलनले नेपाली अर्थतन्त्रलाई कुनै फाइदा नदेखिने देखिएको छ भने हतार–हतार कानुनहरू संशोधन गर्दा पनि लगानीकर्ताहरु नेपालमा लगानी गर्न इच्छुक नदेखिएको पाइएको छ ।
सो केसमा राखिएका १ सय ५२ वटा परियोजनाहरूमाथि पनि बिदेशी लगानीकर्ताको खासै चासो देखिएन । सोमबार केही सम्झौता र समझदारीहरूमा हस्ताक्षर भए पनि हस्ताक्षर भएका योजनाहरुमध्ये धेरैमा गैरआवसीय नेपालीकै लगानी देखिन्छ भने सम्झौता भएका केहि योजनाहरु पनि औपचारिकताका लागि मात्र भएको प्रष्ट देखिन्छ ।
धन्न, भारतीय केहि लगानीकर्ताले र केहि चिनियाँ लगानीकर्ताहरुले लगानी सम्मेलनको इज्जत जोगाईदिएका छन् । त्यसमा पनि चिनियाँ लगानीकर्ताले गरेका सम्झौता कार्यान्वयन हुनेमा शंका छ ।
सम्मेलन अवधिभर भएका कुल १२ वटा सेसनहरु औपचारिकतामा सिमित भएका छन् ।
यद्यपी अर्थमन्त्री वर्षमान पुनले भने सम्मेलन सफल भएको दाबी गरे । सम्मेलनमा सहभागी हुन आएका विश्व बैंक, एसियाली विकास बैंक, अन्तर्राष्ट्रिय मुद्रा कोष र संयुक्त राष्ट्रसंघीय विकास कार्यक्रम ९यूएनडीपी० तथा नेपालका लागि विभिन्न देशका राजदूतहरूसँगको साइडलाइन बैठकमा बोल्दै सोमबार बिहान उनले सम्मेलन सफल भएको दाबी गरे । तर उनीहरुको बोली पनि आयोजकलाई रिझाउने औपचारिकतामात्र भएको ठम्याई जानकारहरुको छ ।
जानकारहरुका अनुसार लगानी सम्मेलनमा भएको करोडौं खर्च विना उपलब्धि स्वाहा भएको छ । सम्मेलनमा अपेक्षित लगानीकर्ताले चासो नदेखाउँदा सम्मेलनले अर्थतन्त्रलाई पुर्याउने फाइदा पनि सून्यजस्तै देखिएको छ ।
