यसअघि प्रकाशित ‘ह्याकरसँगको मिलेमतोमा इजी सर्भिस नामक कम्पनीको गैरकानूनी धन्दा, पोल खुलेपछी माफी मागेर उम्कन खोज्दै !’ समाचारका विषयमा इजी सर्भिसबाट खण्डन तथा आफ्नो भनाई प्राप्त भएकोले सम्बन्धित संस्थाको खण्डन गर्ने अधिकारको सम्मान गर्दै सो खण्डन जस्ताको त्यस्तै राखी हेडलाइन सच्याइएको छ ।
हाम्रो भन्नु :
८ . हामीले समाचार बनाउँदा सम्बन्धित कम्पनीमा फोन समेत गरी यस विषयमा धारणा लिन खोजेका थियौँ, जुन सम्भव भएन । यसको अर्थ समाचार एकतर्फी बनाउने उद्देश्य होइन, हाम्रो कहिले पनि हुँदैन । हामीले उताबाट प्रतिक्रिया नआएसम्म समाचार रोक्ने कि भन्ने विषयमा पनि सोचेका हौँ, तर फिसिङ्ग लिंकले कतिको घरबारी उडीसक्यो होला, हामीले प्रयास गर्दा पनि सम्पर्कमा नआएपछि अव रोकिनु हुँदैन भनेर हामीले समाचार प्रकाशन गरेका हौँ । त्यहाँका प्रतिनिधि खासै सम्पर्कमा पनि आउनुहुन्न । खण्डन प्राप्त भएपछि पनि हामीले सम्बन्धित मोबाइल नम्बरमा सम्पर्क गरेका हौँ, फोन उठेन । एसएमएस पठाएका छौं, रिप्लाई आएको छैन । उहाँहरुको थप कुरा भए हामी सोलाई पनि समावेश गर्नेछौं ।
प्रकाशित समाचारको विवरण
काठमाडौँ । ह्याकरसँगको ‘मिलेमतो’मा इजी सर्भिस नामक कम्पनीले गैरकानूनी धन्दा चलाइरहेको पाइएको छ । कम्पनीले प्रयोगकर्ताको मोबाइलमा असम्बन्धित लिङ्क पठाएर गैरकानूनी काम गरिरहेको पाइएको हो ।
हाल कम्पनीले ‘इएस अलर्ट’ बाट प्रयोगकर्ताको मोबाइलमा असम्बन्धित र शंका लाग्दो लिंक पठाइरहेको छ ।
कम्पनीले आधिकारिक दाबी गर्ने ‘इएस अलर्ट’बाट खल्ती खाता ‘सस्पेन्ड’ हुन लागेको जानकारी दिँदै आफ्नो पहिचान सुचिश्चित गर्न शंका लाग्दो लिंक पठाइरहेको छ । बैशाख २ गते मात्रै यस्तो म्यासेज सय बढी प्रयोगकर्तालाई पठाइएको भेटिएको छ ।
तर, इजी सर्भिस नामक कम्पनीबाट आएको उक्त म्यासेजमाथि शंका लागेपछि केहीले प्रहरीमा उजुरीसमेत गरेका थिए । त्यसपश्चात् आफ्नो गैरकानूनी धन्दाको पोल खुल्ने देखेपछि कम्पनीले पुनः सचेत गराएको शैलीमा प्रयोगकर्ताहरुलाई दोस्रो म्यासेज पठाइरहेको छ । जसमा लेखिएको छ, ‘हालै आएको एसएमएस सन्देशमा शंका लाग्दो लिंक भएकोले कृपया क्लिक नगर्नुहोस् । हामी यो समस्यामाथि कारवाही गरिरहेका छौँ ।’
यता प्रविधिविज्ञ अझ स्वयम् प्रहरीले पनि यसलाई ‘स्क्याम’ भनेका छन् । यसरी पठाइएको उक्त लिंक क्लिक गर्ने बित्तिकै मोबाइलमा भएको सम्पूर्ण विवरण ह्याकरको कब्जामा पुग्ने र वालेट वा बैंक खाताबाट पैसा चोरी हुने प्रहरीले जनाएको छ । यसर्थ यस्ता शंका लाग्ने कुनै पनि लिंक नखोल्न वा क्लिक नगर्न प्रहरीले अपिलसमेत गरेको छ ।
केही दिनअघि यसरी नै इसेवाका नाममा यस्तै म्यासेजमा लिंक पठाएर ह्याकरले लाखौँ चोरी गरेको घटना बाहिरिएको थियो । हाल इजि सर्भिसले पठाएको म्यासेज र लिंक पनि सोही प्रकृतिको भेटिएकोले यसमा ह्याकरको संलग्नता प्रष्ट देखिन्छ । हाल प्रहरीले उक्त कार्यमा कम्पनीकोसमेत मिलेमतोको आशंकामा अनुसन्धान अघि बढाएको बुझिएको छ ।
