आईपिओ सकस…..!

रोहन शर्मा

आइपीओ (IPO) खुल्यो साना तथा नयाँ लगानिकर्ता दङ्ग पर्दै बचतलाई लगानी गर्ने सोच बनाउँछन् । पक्कै पनि IPO मा घाटा त हुन्न । यही सोचका साथ फारम लिन संकलन केन्द्र पुग्दा त्यहाँका बरिष्ष्टदेखि सेक्युरिटी गार्डसम्मको ब्यवहारले अमीलो मुख बनाउँदै फर्कनुको बिकल्प छैन ।

“फारम हिजै सकियो ।”

“भोलि फोन गरेर आउनु ।”

“कतिबेला आउँछ ठेगान छैन ।”

अनि हत्त न पत्त फेसबुक फोरममा

“फलानो कम्पनीको आइपीओ फारम कहाँ पाईन्छ?” भनेर स्टाटस लेख्दा कतैबाट सही सुचना आउलाकि भन्ने आश गर्नुको बिकल्प हुँदैन।

पहुँच हुनेले त IPO खुल्नु ३ दिन पहिलेनै फारम पाएर भरेर तयार हुन्छन् । यतिसम्मकि उनीहरुले फारम बुझाउन लाईन पनि बस्नुपर्दैन।

यही मौका छोपी अहिले फारम भरिदिने र बुझाईदिने भनेर प्रति फारम २०० सम्म लिएर आइपीओंको ब्यापार गर्नेको जमात पनि देखिएको छ ।

तर अत्याधिक आवेदनको चापले ALLOTMENT मा पर्ने कुनै टुँगो छैन, अनि IPO पहिलेनै LOSS मा बबुरा लगानिकर्ता!

नियामक निकाय समक्ष केहि गुनासो;

अनलाईन आवेदनको ब्यवस्था गरियोस् ।
के फारम लगानिकर्ता आफैले छाप्नुपर्ने हो ?
आवेदन अवधीमा एउटा डाटा प्रकाशित हुन्छ अनि दिन प्रतिदिन त्यो बढ्दै जान्छ । पहुँचका आधारमा हुने भित्री आवेदनलाई बन्द गरियिस् र साना लगानिकर्तालाई जुकाबाट बचाईयोस्।
फारमनै बाँढ्ने हो भने गल्ली गल्लीमा खुलेका सपिङ मलमा पनि फारम पाउने ब्यवस्था गरियोस्, आखिर पैसै तिर्ने हो प्रती फारम रु.२ !

अन्त्यमा जती कुरा गरेपनि अन्तिम आशयचाहिं साना लगानीकर्ताको पहुँच बजारमा पुगोस् भन्नेनै हो। हेर्दा “सानो मुख ठुलो कुरा” देखियो तर अभिभावकको नाताले नियामक निकायले आफ्नो धर्म छाड्नु भएन!