काठमाडौं – सशस्त्र द्धन्दका समयमा शेरबहादुर देउवालाई कैलालीमा निशाना लगाउने पुष्पकमल दाहाल र दाहालको टाउकोको मुल्य तोक्ने शेरबहादुर देउवा वर्तमान सरकारमा अति प्रिय सारथी छन् । सुशील कोइराला नेतृत्वको सरकारमा एमाले सामेल थियो भने कोइरालाका खास सारथी थिए एमाले अध्यक्ष केपी शर्मा ओली । त्यही बेला एमाले अध्यक्ष ओली र माओवादी अध्यक्ष दाहालबीच कडा बादप्रतिबाद चलिरहेको थियो । त्यही बेला दाहालले ओलाई भने उहाँको मानसिक सन्तुलन विग्रेको छ, उपचार गराउन म सुझाव दिन्छु । दाहालले यस्तो अराजनीतिक अभिब्यक्ति दिएकोे ठिक एक बर्षपछि ओली र दाहालबीच लभ परयो । अर्काे एक बर्षमा फेरी डिभोर्स भयो ।
तर नेपाली राजनीति र समाजमा केही खाटी दुष्मन पनि छन् । राजनीतिका खाटी दुष्मनमा मधेसी जनअधिकार फोरम लोकतान्त्रिका अध्यक्ष बिजयकुमार गच्छदार र संघिय समाजबादी फोरमका अध्यक्ष उपेन्द्र यादव देखिएका छन् । त्यसैगरी समाजमा देखिने गरी दुष्मनी पछिल्लो समय अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्की र हिमाल साप्ताहिकमा प्रधानसम्पादक कनकमणि दिक्षितले थालेका छन् ।
सधै सत्ता मै रमाउन चाहने गच्छदारसँग यादवको पहिलो विवाद २०६६ सालको पुष्पकमल दाहालको नेतृत्वको सरकारमा जाने कि नजाने भन्ने विषयमा भयोे । उपेन्द्र यादव दाहालको सरकारमा परराष्ट्र मन्त्री बने । गच्छदार सरकार बाहिर बसे । तत्कालिन प्रधानमन्त्री दाहालले प्रधान सेनापति रुक्माङगत कटुवाललाई कारवाही गर्न खोज्दा यादव दाहालको पक्षमा लागे भने गच्छदार कट्टर बिरोधी बने ।
कटुवाल प्रकरणपछि दाहालले राजीनामा दिएर आन्दोलनमा पुगे । यादवले दाहालाई साथ दिँदै आन्दोलनलाई समर्थन दिए । तर गच्छदार भने एमाले नेता माधव कुमार नेपालको सरकारमा सहभागि भए । २०६६ सालमा यादव आन्दोनलका पक्षमा र गच्छदार सरकारका पक्षमा भएपछि सांसदहरुबीच बैठकमै कुटाकुट समेत भएको थियो । यही पहिलो रेखा थियो जहाँबाट यी दुई खाटी दुष्मन बने । अहिले पनि एकअर्काबीच राम्रो बोलचालसम्म छैन । फेरी अहिले बनेको दाहाल नेतृत्वको सरकारमा गच्छदारलाई रोक्न यादवले माओवादी केन्द्र र कांग्रेससँग सर्त नै राखे ।
देश दुई धारमा बिभाजित बन्दै गयो । दिक्षितले कार्कीको नियुक्तीको विषयलाई लिएर अन्तराष्ट्रिय फोरमहरुमा पनि कुरा उठाए । उनलाई युद्ध अपराधीको संज्ञा समेत दिए । कार्कीको नजरमा दिक्षित त्यतिबेलै परे । त्यसपछि कार्कीले शम्भु थापा र दिक्षित दुवैमाथी कारवाहीको डण्डा बर्साउन थाले । थापाको ल फार्ममा खानतलासी गराए भने कर छलेको आरोप लगाए । त्यो बेला नयाँपत्रिका दैनिक थापाका विपक्षमा र लोकमानका पक्षमा देखियो ।
त्यसपछि उनको डण्डा दिक्षितमाथी बर्सिन थाल्यो । दिक्षित साझा यातायात सहकारी लिमिटेडको अध्यक्ष छन् । त्यहीबाट लोकमानले कारवाहीको प्रक्रिया अघि बढाए । २०७३ बैशाख १० गते शुक्रवार दिउसो २ बजे निवासबाटै अख्तियारको टोलीले उनलाई गिरफतार ग¥यो । सार्वजनिक पदको दुरुपयोग गरेर गैरकानुनी सम्पत्ति आर्जन गरेको , संस्थाको आर्थिक हिनामिना गरेको आरोप लागाउदै दिक्षितलाई पक्राउ गरेको थियो । तर उनलाई अख्तियारको हिरासतमा नराखी गौशाला प्रहरीको बन्दी बनाइयो । यो बेला लोकमानका पक्षमा डिजिटल पत्रिका रातोपाटी देखियो ।
अन्त थापाले बाजी मारे र राप्रपा विभाजन भयो । राप्रपा विभाजन भएपछि थापाले राप्रपा नेपाल गठन गरे । त्यसपछि यी दुईबीचको सम्बन्धमा निकै ठुलो दरार पैदा भयो । अन्तः संबैधानिक राजतन्त्रका पक्षमा पकट थापाले जमाए भने राणा राजाको फेरो छोडेर लोकतान्त्रिक गणतन्त्रमा आयो । राजाको प्रत्यक्ष शासनकालमा गृहमन्त्री बनेका थापाका बिरुद्ध सडकमा पुगे राणा ।
- एस काठमाडौँ
