काठमाडौं- शेयर बाजार साप्ताहिकले प्रकाशित गरेको समाचारका खण्डनका लागि सिइ डिबी हाइड्रो फण्डका   सहायक कम्पनी ‘युनिभर्सल पावर कम्पनी लिमिटेड’ले प्रकाशित गरेको प्रेस विज्ञप्ति पनि झूटको  लिन्दा

सावित भएको छ । 

११ मगावाटको खोरेखोला जलविद्युत आयोजनाको अनुमति पाएको युनिभर्सल पावर कम्पनीको रजिस्टर्ड कार्यालय कहाँ छ ? भन्नेसमेत विज्ञप्तिमा खुलाएको छैन । सिधैं त्रिपुरेश्वर काठमाडौंमात्र लेखिएको छ । उसको वेबसाईट आदीमा समेत यसबारे केही उल्लेख छैन र सम्पर्क नम्बरसमेत अर्कै कम्पनीको उपयोग गरिएको छ । यति ठूलो परियोजना चलाइरहेको कम्पनीको कार्यालय कसका झोलामा  वा खल्तीमा छ ? यसबारे अग्राधिकार सेयर भन्दै रकम बुझाउने लगानीकर्ताहरूले प्रश्न सोध्नुपर्ने भएको छ । सेयर बजार साप्ताहिकको कार्यालय र यसका सम्पादकलाई सयौंपटक फोन गरेर समाचार रोकाउन प्रयास गर्ने, विभिन्न व्यक्ति र शक्तिकेन्द्रहरूको पावर लगाउने सो कम्पनीका सञ्चालकहले सेयर निष्काशनका बिषयमा गरेको गैरकानुनी कामबारे छानबिन र कारबाही हुँदैछ । 

उनीहरूले अग्राधिकार सेयर भन्दै विभिन्न सहरमा कार्यक्रम गर्दै उठाएको रकम र त्यसको उपयोगबारे पनि अनुसन्धान हुँदैछ । विज्ञप्ति  अनुसार युनिभर्सल  पावरमा खारे इन्भेस्टमेन्ट लिमिटेडको ८८ प्रतिशत सेयर रहेको भनिएको छ । अनि बाकी १२ प्रतिशत सेयर खोई ? त्यो १२ प्रतिशत सेयर कमिशन दिनका लागि राखिएको प्रस्ट बुझिन्छ । केही सञ्चालकहरूले कमिशनवापत आफ्नो नाममा बनाएका हुन् । उता युनिभर्सल पावर नै सिईडिबी हाइडो फण्डको सहायक कम्पनी भनिएको छ, तर कसरी त्यसमा खारे इन्भेष्टमेन्टको सेयर आयो ?