NABIL AD

चीनले नेपाललाई १० लाख डोज खोप उपलब्ध गराउने, खोप आपूर्तिका लागि प्रस्ताव पठाउने विषय भने अझै अन्योलमा

GARIMA BANK
काठमाडौं । शुक्रबार राष्ट्रपति विद्यादेवी भण्डारी र चिनियाँ समकक्षी सी जिनपिङसँगको वार्तापछि चीनले नेपाललाई १० लाख डोज खोप उपलब्ध गराउने घोषणा गर्‍यो । तर उक्त खोप नेपाल ल्याउने प्रक्रिया के हुन्छ भन्‍ने विषयमा भने केही खुलाइएको छैन । मुलुक महामारीले आक्रान्त भइरहेका समयमा चीनले कोरोनाविरुद्धको १० लाख डोज खोप उपलब्ध गराउने घोषणा गरेसँगै केही आशाहरु जागेका छन् । तर अधिकारीहरुले भने चीनबाट भनेजस्तो खोप ल्याउन सजिलो नभएको बताएका छन् ।
विभिन्‍न तीन मन्त्रालयका अधिकारीहरुले बेइजिङ्स्थित सिनोफार्म कम्पनीमा कोरोनाविरुद्धको खोप आपूर्तिका लागि प्रस्ताव पठाउने विषयमा अझै अन्तिम निर्णय भइनसकेको जानकारी दिएका छन् । चिनियाँ कम्पनीले सिनोफार्मले यसअघि नेपाललाई आठ लाख डोज कोरोनाविरुद्धको खोप उपलब्ध गराएको थियो । चिनियाँ कम्पनीहरुले सार्वजनिक नगर्ने शर्तमा खोप खरिद सम्झौतामा गर्ने गरेको पाइएको छ । उक्त गोप्य सम्झौतामा खरिद्सम्बन्धी सम्झौता, विश्‍वसनीय सम्बन्ध, खोपको मूल्य उल्लेख गरिएको हुन्छ ।
उक्त कुरा सार्वजनिक गर्न निमल्ने शर्त राखिएको छ । स्वास्थ्य सेवा विभागका महानिर्देशक दिपेन्द्र रमण सिंहले सिनोफार्मबाट बुधबार गोप्य राख्‍नुपर्ने शर्तसहितको खोप उपलब्ध गराउने प्रस्ताव आएको बताएका छन् । उनले यस विषयमा धेरै बताउन चाहेनन् । स्वास्थ्य मन्त्रालयका अधिकारीका अनुसार उक्त सम्झौतालाई अन्तिमरुप दिइसकेपछि मात्रै कति र कसरी आयात गर्ने भन्‍ने कुरा जानकारी गराइने छ । यस गोप्य सम्झौताका विषयमा हालसम्म कसरी आयात गर्ने भन्‍ने निष्कर्षमा सरकारी अधिकारीहरु पुगिसकेका छैनन् ।
स्वास्थ्य मन्त्रालयले बेइजिङ्स्थित नेपाली दूतावासलाई एक पत्र पठाउँदै खरिदका लागि थप छलफल गर्न प्रस्ताव गर्न आग्रह गरिएको थियो । सिनोफार्मसँगको छलफलपछि नेपाली दूतावासले स्वास्थ्य मन्त्रालयलाई पुनर्विचार गरिएको मूल्य सूची प्रदान गरेको छ । तर मन्त्रालयले अन्तिम निर्णय भने गरिसकेको छैन । चीनले बिहीबार उपलब्ध गराउने भनेको १० लाख डोज खोप कसरी ल्याउने भन्‍ने विषयमा पनि सरकारी अधिकारीहरु अन्योलमा देखिएका छन् ।
यसअघि चीनबाट उपलब्ध गराउने भनेको आठ लाख डोज खोप पनि लामो विवादको डेढ महिनापछि नेपाली जहाज नै पठाएर खोप आयात गरिएको थियो । अनुदानमा दिइएको उक्त खोप खरिद बराबरकै मूल्य पर्ने भन्दै आलोचनासमेत भएको थियो । यसपटक पनि चीनले उक्त खोप उपलब्ध गराउने तर, नेपाली जहाज पठाएर ल्याउनु पर्नेछ । यसअघि भारतले उपलब्ध गराएको करिब २३ लाख डोज खोप भने भारतीय विमानले काठमाडौं पुर्‍याएको थियो । भारतले उपलब्ध गराएको २३ लाखमध्ये १३ लाख डोज खोप अनुदानमा प्राप्त भएको थियो ।
Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal