काठमाडौँ । समृद्धि फाइनान्सले विपन्न वर्गलाई न्यानो कपडा वितरण गरेको छ । फाइनान्सले पुष २५ गते बिहीबार कसहा शाखाबाट न्यानो कपडा वितरण कार्यक्रम अन्तर्गत शाखा कार्यालय आसपासको धनगढीमाइ नगरपालिका ६, ७ र ८ का अति विपन्न, असहाय जेष्ठ नागरिकहरूलाई फाइबर सिरक वितरण कार्यक्रम सम्पन्न गरेको हो ।
कार्यक्रममा धनगढीमाइ नगरपालिका वडा नं. ६ का अध्यक्ष भगलु महतो, वडा नं. ७ का अध्यक्ष बिजय कुमार महतो, वडा नं. ८ का अध्यक्ष रामभरोश महतो, पद्मोदय फाउन्डेसनका सचिव राजकुमार महतो, नेपाल रेडक्रस सोसाइटी शाखा धनगढीका अध्यक्ष गङाराम यादव साथै वडा सदस्यहरूको उपस्थिति रहेको थियो ।
साथै, यस्ता कार्यक्रमले स्थानीय न्यून आय भएका जनतालाई जाडोमा ठूलो राहत पुगेकोले फाइनान्सलाई उपस्थित सबैले धन्यबाद दिएका थिए ।
कसहाका शाखा प्रबन्धक प्रदीप महतोले कार्यक्रममार्फत २५ जना अति विपन्न र असहाय जेष्ठ नागरिकहरूलाई न्यानो कपडा वितरण गरिएको जानकारी गराउँदै आगामी दिनमा पनि यस्ता सामाजिक उत्तरदायित्वका कार्यक्रमलाई निरन्तरता दिने प्रतिवद्धता व्यक्त गरे ।
