पौष महिनाको आर्थिक राशिफल
धनु राशि भएका व्यक्तिहरूका लागि पौष महिना मध्यम हुने देखिन्छ । एक महिनाका लागि धनु राशीमै सुर्य रहेका कारण बुवासँगको सम्बन्धमा केही खटपट हुने योग छ । कुनै पनि व्यवसायको शुभारम्भ नगर्नुहोला, व्यापार डुब्ने योग छ । यो महिना भरी आइतबार र मंगलबार भने लामो यात्रा नगर्नुहोला । शोक हुने योग देखिएको छ । हरियोबोट विरुवालाई जल चडाँउदा दुखबाट बच्न सकिनेछ । शुक्रग्रहसँग जोडिएको सम्पूर्ण कार्यहरु भने बन्ने योग छ । दलाली कर्म गर्दा राम्रो हुने देखिन्छ । स्वार्थ सिद्धिका लागि गरेको काम बन्ने योग छ । आहार र स्वभावमा भने परिवर्तन ल्याउन सकिनेछ । पराक्रम बड्नेछ ।
यो राशि हुनेहरूका लागि पौष १४ गते अति अशुभ भएकाले विषेस ध्यान दिनुपर्नेछ।
आर्थिक बर्ष २०८१-८२ का लागि बार्षिक आर्थिक राशिफल
धनु राशि भएकाहरूका लागि आर्थिक वर्ष २०८१ र ८२ मध्यम देखिन्छ । पार्टनरबीच आरोप प्रत्यारोप बढ्ने देखिन्छ भने शिक्षा तथा सूचनाप्रविधि क्षेत्रमा लाभ मिल्नेछ । सेयर बजारमा लाग्नेहरुका लागि समय उत्तम छ । घर जग्गाको कारोबारबाट राम्रो आम्दानी गर्न सकिनेछ । आर्थिक हिसाबले कार्तिक र फागुन उत्तम देखिन्छ ।
नयाँ रोजगार पाइने योग भए पनि बढी मेहेनत गर्नुपर्ने देखिन्छ । वैदेशिक रोजगारीबाट पनि सफलता प्राप्त गर्न सकिनेछ । कुनै पनि व्यापार र व्यवसाय गर्दा सेतो, पहेँलो, गुलाबी, निलो र हरियो रङ्ग शुभ देखिन्छ भने ३, ६, ७ र ९ अङ्क शुभ देखिन्छ । व्यापार व्यवसायमा सफलता प्राप्त गर्न दुर्गाको उपासना गर्नुहोला ।आइतबार गरेका कामहरुबाट सफलता प्राप्त हुने योग छ । मेष र सिंह राशि भएकाहरुसँगको कारोबारमा फाइदा मिल्न सक्छ भने मेष र सिंह राशि भएकाहरूसँग कारोबार गर्दा सचेत हुनुहोला ।
