माघ महिनाको आर्थिक राशिफल
कुम्भ राशि भएका व्यक्तिहरूका लागि माघ महिना मध्यम देखिन्छ। धन नाश हुने योग देखिएको छ। वैदेशिक यात्रा नगर्दा राम्रो होला, मुद्धामामिलामा फस्न सकिनेछ, आफन्तको स्वास्थ्यमा समस्या आउँदा पैसा खर्च हुनेछ, घरजग्गाको कारोबार गर्दै हुनुहुन्छ भने ९ गते भित्र गर्दा राम्रो हुने देखिन्छ। व्यापार व्यवसाय फस्ट्याउँदै जानेछ, ऋण तिर्ने योग देखिएको छ, कतै लगानी गर्दै हुनुहुन्छ भने शुक्रबार गर्नुहोला, नाफा कमाउन सकिनेछ । यो राशि हुनेहरूका लागि माघ ६ गते अति अशुभ भएकाले ध्यान दिनुपर्ने देखिन्छ।
आर्थिक बर्ष २०८१-८२ का लागि बार्षिक आर्थिक राशिफल
कुम्भ राशि भएकाहरूका लागि आर्थिक बर्ष २०८१ र ८२ फलदायी देखिन्छ । जागिर गर्नेहरूका लागि यो वर्ष सामान्य रहनेछ भने नयाँ ठाउँमा गरेको लगानीले तपाईंलाई पीडा दिने योग छ । घरजग्गामा गरेको लगानीले राम्रो प्रतिफल दिने देखिन्छ भने सेयर बजारमा नोक्सान हुने देखिन्छ ।
आर्थिक हिसाबले श्रावण, कार्तिक माघ र चैत्र महिना राम्रो हुने देखिन्छ भने जागिर गर्नेहरूका लागि मंसिर महिना फाप्ने देखिन्छ ।
जागिर गर्नेहरूका लागि तनाव बढी हुने योग छ । सञ्चार क्षेत्रमा लागेकाहरुका लागि राम्रो देखिए पनि व्यापार व्यवसाय गर्नेहरूलाई यो आर्थिक वर्ष त्यति राम्रो छैन । स्वास्थ्यमा बढी खर्च हुने देखिन्छ । परिवारमा बढी खर्च हुने देखिन्छ ।
कुनै पनि जागिर, व्यापार वा व्यवसाय गर्दा गुलाबी, निलो, सेतो, पर्पल र रातो रङ्ग शुभ देखिन्छ भने २, ४, ७ र ८ शुभ अङ्क देखिन्छ । मंगलबार गणेशजीको उपासना गर्दा राम्रो हुने देखिन्छ ।
शनिबार र शुक्रबार नयाँ कामका लागि शुभ बार हुन्। मीन, वृष र मकर राशि भएकाहरूसँग कारोबार गर्दा सफलता मिल्नेछ भने कन्या र कर्कट राशि भएकाहरूसँग कारोबार गर्दा सचेत हुनुहोला ।
