रेडियो अर्थ सरोकार

फागुन महिनाको आर्थिक राशिफल 

वृष राशि भएका ९० प्रतिशत व्यक्तिहरूका लागि फागुन महिना समग्रमा राम्रो देखिन्छ भने १० प्रतिशत व्यक्तिहरूलाई नराम्रो देखिन्छ। यो महिनामा कुनै नयाँ कामको थालनी गर्दै हुनुहुन्छ भने ६ , ७ , १२ , १४ , २३ , २४ , २६ र २७ गते गर्नुहोला, राम्रो हुने देखिन्छ। सेयर बजारमा लगानी गर्ने सोच्दै हुनुहुन्छ भने बुधबार गर्नुहोला, नाफा कमाउने योग देखिएको छ। यो राशि हुनेहरूका लागि फागुन २ गते अति अशुभ भएकाले विशेष ध्यान दिनुपर्ने देखिन्छ। यो महिनामा वृष राशि हुनेहरूलाई सेतो रंग शुभ देखिन्छ भने रातो रंग अशुभ देखिन्छ।

वृष राशि भएका व्यक्तिहरूलाई फागुन महिनामा १, ४ र ५ अंक शुभ देखिन्छ भने २, ३ र ९ अंक भने नराम्रो देखिन्छ। यो महिनामा बैंकिङ र वित्तीय पक्ष भने सकारात्मक देखिन्छ। तर १० प्रतिशत व्यक्तिहरूले खर्च नियन्त्रण र कागजी प्रक्रिया गर्दा विशेष सावधानी अपनाउनु पर्ने देखिन्छ।

नयाँ वर्ष २०८२ सालको आर्थिक राशिफल 

वृष राशि भएका व्यक्तिहरूका लागि २०८२ साल राम्रै देखिन्छ। काममा बढोत्तरी हुने देखिन्छ। कला र गालाको प्रभावले मनग्य आम्दानी गर्न सकिनेछ। व्यापार व्यवसाय गर्नेहरुलाई यो बर्ष उत्तम छ ।

आकश्मिक लाभ हुने देखिन्छ। ऋण तिर्ने योग देखिएको छ। लामो समयदेखि फसेको पैसा पाउन सकिनेछ। सेयर बजारमा लाग्नेहरुका लागि पनि यो बर्ष औसत छ भने ठेक्कापट्टाको काम गर्नेहरुका लागि यो बर्ष उत्तम छ । यो वर्ष घरजग्गाबाट रामरी फाइदा हुने देखिन्छ।

यता, स्वास्थमा समस्या आउँदा बढी खर्च हुने देखिन्छ । यो वर्ष ठुलो काम र ठुलो लगानी भने नगर्दा राम्रो होला।