रेडियो अर्थ सरोकार

आर्थिक वर्ष २०८३/८४ को आर्थिक राशिफल 

वृष राशि भएका व्यक्तिहरूका लागि यो वर्ष धन सञ्चय र आर्थिक स्थायित्वको वर्ष बन्ने संकेत छ। जग्गा-जमिन, बैंकिङ, लगानी तथा दीर्घकालीन योजनाबाट लाभ मिल्न सक्छ।

शुक्र ग्रहको अनुकूल प्रभावले आम्दानीसँगै बचत पनि बढ्ने सम्भावना देखिन्छ। सोचविचार गरेर गरिएको लगानी भविष्यका लागि लाभदायी हुन सक्छ।

नयाँ वर्ष २०८३ सालको आर्थिक राशिफल 

वृष राशिलाई नयाँ वर्ष २०८३ साल धैर्यको परीक्षा र फलदायी परिणाम’ को वर्ष जस्तो देखिन्छ। सुरुका महिनाहरूमा केही अलमल, निर्णयमा ढिलाइ वा अवसरहरू स्पष्ट नदेखिने अवस्था हुन सक्छ, तर वर्षको बीचतिरदेखि तपाईंको मेहनतले आकार लिन थाल्नेछ । आर्थिक पक्षमा बिस्तारै सुधार आउनेछन् । एकैचोटि ठूलो लाभभन्दा सानोसानो तर स्थिर आम्दानीले तपाईंलाई सुरक्षित महसुस गराउनेछ।

बैंकिङ क्षेत्रमा जागिर गर्नेहरूका लागि उन्नति, जिम्मेवारी बढ्ने र विश्वास जित्ने समय रहेको छ। व्यापारतर्फ भने  विस्तारको सोच आउन सक्छ तर आध्यात्मिक दृष्टिले हेर्दा ‘सही समयको प्रतीक्षा’ नै तपाईंको सबैभन्दा ठूलो शक्ति हुने देखिन्छ।

यता सेयर बजारमा लगानी गर्दा यो वर्ष विशेषगरी वैशाखदेखि साउनबीचको समय शुभ देखिन्छ, जहाँ ग्रहहरूको चालले तपाईंलाई सही निर्णय लिन प्रेरित गर्ने देखिन्छ । धन कमाउनु मात्र लक्ष्य नभई, त्यसमा शान्ति र सन्तुलन कायम गर्नु नै साँचो समृद्धि हो भन्ने भावना तपाईंमा आउने देखिन्छ।