साउन महिनाको आर्थिक राशिफल
वृष राशि भएका व्यक्तिहरूका लागि साउन महिना समग्रमा ७५ प्रतिशत राम्रो देखिन्छ। कतै लगानी गर्ने सोच्दै हुनुहुन्छ भने शुक्रबार गर्दा राम्रो हुनेछ। वृष राशिका व्यक्तिहरूलाई यो महिनामा सेतो रंग फाप्ने देखिन्छ। वर्षौदेखि नबनेका कामहरू बन्नेछन्। बेरोजगारहरूका लागि जागिरको अबसर मिल्नेछ। ठुलाठुला योजनाहरू बनाएर काम सुरु गर्ने उत्तम समय रहेको छ। पार्टनरसिपमा गरेको व्यापार फाप्ने देखिन्छ। फसेको धन उठ्ने देखिन्छ।
कार्यक्षेत्रमा प्रतिष्ठा बचाउनको लागि संघर्ष गर्नुपर्ला। विचार पुराएर वैदेशिक क्षेत्रमा लगानी गर्नुहोला, पैसा फस्ने योग छ । महिनाको मध्यमा अगाडिका कमी कमजोरीलाई सुधार्ने अवसर मिल्नेछ। बोल्दा विचार पुराउनु पर्ने देखिन्छ। यो राशि हुनेहरूका लागि साउन १२ गते अति अशुभ भएकाले विशेष ध्यान दिनुपर्ने देखिन्छ।
नयाँ वर्ष २०८२ सालको आर्थिक राशिफल
वृष राशि भएका व्यक्तिहरूका लागि २०८२ साल राम्रै देखिन्छ। काममा बढोत्तरी हुने देखिन्छ। कला र गालाको प्रभावले मनग्य आम्दानी गर्न सकिनेछ। व्यापार व्यवसाय गर्नेहरुलाई यो बर्ष उत्तम छ ।
आकश्मिक लाभ हुने देखिन्छ। ऋण तिर्ने योग देखिएको छ। लामो समयदेखि फसेको पैसा पाउन सकिनेछ। सेयर बजारमा लाग्नेहरुका लागि पनि यो बर्ष औसत छ भने ठेक्कापट्टाको काम गर्नेहरुका लागि यो बर्ष उत्तम छ । यो वर्ष घरजग्गाबाट रामरी फाइदा हुने देखिन्छ।
यता, स्वास्थमा समस्या आउँदा बढी खर्च हुने देखिन्छ । यो वर्ष ठुलो काम र ठुलो लगानी भने नगर्दा राम्रो होला।
