माघ महिनाको आर्थिक राशिफल
कर्कट राशि भएका व्यक्तिहरूका लागि माघ महिना मध्यम हुने देखिन्छ। घरजग्गाको कारोबार गर्दा विचार पुराउनुपर्ने देखिन्छ। मुद्धा मामिलामा फस्ने योग छ । सवारी साधन चलाउदा विचार पुराउन पर्ने देखिन्छ। स्वास्थ्यमा समस्या आउँदा खर्च हुने देखिन्छ। वैदेशिक यात्राको योग देखिएको छ। काम प्रति रुचि बढ्नेछ। प्राथमिक शिक्षामा पैसा खर्च गर्नुपर्ने देखिन्छ। चिठ्ठामा धन प्राप्त हुने योग छ। कतै लगानी गर्ने सोचमा हुनुहुन्छ भने सोमबार गर्दा राम्रो हुने देखिन्छ। यो राशि हुनेहरूका लागि माघ १९ र २६ गते अतिअशुभ भएकाले विशेष ध्यान दिनुपर्ने देखिन्छ।
आर्थिक बर्ष २०८१-८२ का लागि बार्षिक आर्थिक राशिफल
कर्कट राशि भएकाहरूका लागि आर्थिक वर्ष २०८१ / ८२ शुभ देखिन्छ । वर्षभरी नै धन आर्जन गरिरहने अवसरहरू मिल्नेछ । पैसा कमाउने नयाँ स्रोतहरू देखिनेछन् । कृषि, पशु, र कपडाको व्यवसायबाट मनग्य आम्दानी हुनेछ । पुष महिना भने कष्टकर हुने देखिन्छ । असोज, माघ फागुनमा बढी व्यवसायिक सफलता प्राप्त गर्न सकिनेछ ।
नयाँ जागिर गर्ने र नयाँ क्षेत्रमा व्यवसाय गर्नेहरूका लागि पनि राम्रो योग छ । सञ्चार क्षेत्रमा लाग्नेहरुका लागि समय राम्रो छ । सेयर बजारमा लाग्नेहरुका लागि समय उत्तम छ । कुनै पनि व्यापार व्यवसाय गर्दा पहेँलो, हरियो, र खैरो रङ्ग प्रयोग गर्दा शुभ रहनेछ भने २, ३, ६, र ७ शुभ अङ्क देखिन्छ ।
व्यापार र व्यवसायमा सफलता कम भएको अवस्थामा भगवान विष्णुको आराधना गर्ने र बिहीबार सकेसम्म सात्विक भोजन गर्दा उचित होला । पिपलको बोट रोप्नाले थप सफलता मिल्ने देखिन्छ । हरेक नयाँ काम गर्दा आफ्नो पितृलाई सम्झेर दुखी गरिवहरुलाई केही दान दिएर सुरु गर्दा उत्तम होला ।
नयाँ र शुभ कार्य सुरु गर्दा सोमबार पार्नुहोला । वृश्चिक, मीन, तुला राशिसँग मिलेर गरेको काम राम्रो होला । मिथुन, धनु, र कुम्भ भएकाहरूसँग भने नगरेको नै राम्रो होला ।
