रेडियो अर्थ सरोकार

जेठ महिनाको आर्थिक राशिफल

वृश्चिक राशि भएका व्यक्तिहरूका लागि जेठ महिना समग्रमा ८० प्रतिशत राम्रो देखिन्छ। तर, २० प्रतिशत व्यक्तिलाई नराम्रो हुने देखिन्छ। यो महिनामा मनमा केही चिन्ता वा गोप्य तनाव हुन सक्छ, धैर्य राख्नुहोला, काम र आर्थिक पक्षमा मेहनतको फल बिस्तारै मिल्ने देखिन्छ, तर कसैमाथि धेरै भरोसा गरेर निर्णय भने नगर्नुहोला ।

परिवारमा भावनात्मक उतारचढाव आउन सक्छ, त्यसैले शान्त बोली र संयम आवश्यक देखिन्छ । भगवान शिवलाई सम्झने, ध्यान, वा मंगलबार दीप बाल्दा मन शान्त हुनेछ। यो महिनामा कुनै नयाँ कामको थालनी गर्दै हुनुहुन्छ भने १९, २१ र २८  गते गर्न सक्नुहुनेछ। सेयर बजारमा लगानी गर्ने सोच्दै हुनुहुन्छ भने मंगलबार र बिहीबार गर्नुहोला नाफा कमाउने योग देखिएको छ। यो महिनामा सेयर बजारमा बुधबार भने लगानी नगर्नुहोला घाटा व्यहोर्नुपर्ने देखिन्छ।

यो राशि हुनेहरूका लागि जेठ ६ गते अति अशुभ भएकाले विशेष ध्यान दिनुपर्ने देखिन्छ। यो महिनामा वृश्चिक राशि हुनेहरूलाई रातो र पहेंलो रंग सुभ देखिन्छ भने हरियो रंग अशुभ देखिन्छ। वृश्चिक राशिलाई यो महिनामा २ , ३ र ४ अंक शुभ देखिन्छ भने ७ , ८ र ९ अंक अशुभ देखिएको छ।

नयाँ वर्ष २०८२ सालको आर्थिक राशिफल

वृश्चिक राशि भएका व्यक्तिहरूका लागि नयाँ वर्ष २०८३ साल समग्रमा परिवर्तन, अवसर र आत्मविकासको वर्ष जस्तो देखिन्छ। यो वर्ष तपाईँले पहिले गरेको मेहनतको नतिजा देख्न थाल्नुहुनेछ, तर निर्णय गर्दा धैर्य र सोच-विचार गर्नुहोला । व्यवसायतर्फ हेर्दा नयाँ लगानी गर्ने राम्रो सम्भावना देखिन्छ, विशेषगरी सानो-मझौला व्यापार, अनलाइन व्यापार, कृषि आधारित व्यवसाय वा सेवा क्षेत्रमा लगानी गर्दा फाइदा हुन सक्छ। साझेदारीमा काम गर्दा स्पष्ट सम्झौता गर्नु राम्रो हुन्छ।

जागिरको हिसाबले नयाँ अवसरहरू आउन सक्छन्, विशेषगरी वर्षकोबीचपछि राम्रो प्रगति वा पदोन्नतिका सम्भावना देखिएका छन् । यता लगानीका हिसाबले, घरजग्गा, सुन, वा दीर्घकालीन योजनामा लगानी गर्दा राम्रो प्रतिफल आउन सक्छ। छिटो नाफा कमाउने सोचमा जोखिमपूर्ण क्षेत्रमा पैसा हाल्दा भने नोक्सान हुन सक्छ।

कृषि, डिजिटल सेवा, शिक्षा सम्बन्धी काम, र स्वास्थ्य क्षेत्रसँग सम्बन्धित व्यवसायहरू तपाईँका लागि यो वर्ष लाभदायक देखिन्छन्। समग्रमा, यो वर्ष तपाईँले धैर्य, योजना र निरन्तर प्रयास राख्नुभयो भने आर्थिक र पेशागत रूपमा राम्रो उन्नति गर्ने सम्भावना देखिएको छ।