रेडियो अर्थ सरोकार

भदौ महिनाको आर्थिक राशिफल 

धनु राशि भएका व्यक्तिहरूका लागि भदौ महिना ७५ प्रतिशत राम्रो देखिन्छ। कतै लगानी गर्ने सोच्दै हुनुहुन्छ भने मंगलबार र बिहीबार गर्दा राम्रो हुने देखिन्छ। धनु राशिका व्यक्तिहरूलाई यो महिनामा सेतो र कालो रंग फाप्ने देखिन्छ। सरकारी जागिर वा व्यवसायबाट विशेष सफलता मिल्नेछ। इच्छा शक्ति वृद्धि हुनेछ।

अन्तर्राष्ट्रिय सम्पर्कबाट लाभ उठाउन सकिनेछ।  जग्गा जमिन र ठेक्कापट्टा आदिबाट विशेष लाभ उठाउन सकिनेछ।  आफन्तलाई खुसि बनाउँदा काममा आएको बाधा हट्नेछ ।

दु:ख धरै भएपनि शक्ति बढेको महशुस हुनेछ । आफ्नै बलमा केहि गर्छु भन्ने अठोट जाग्नेछ । यो राशि हुनेहरूका लागि भदौ ६ गते अति अशुभ भएकाले विशेष ध्यान दिनुपर्ने देखिन्छ।

नयाँ वर्ष २०८३ सालको आर्थिक राशिफल

धनु राशि भएका व्यक्तिहरूका लागि नयाँ वर्ष २०८३ साल समग्रमा अवसर र चुनौती दुबैले भरिएको वर्ष देखिन्छ। यो वर्ष विशेष गरी करियर, व्यापार, र अध्ययनतर्फ ध्यान दिनुपर्ने समय छ । वर्षको सुरुवातमा अलि मानसिक तनाव, काममा ढिलाइ, र कहिलेकाहीँ निराशा आउने सम्भावना छ।

तपाईंले सोचेजस्तो कुरा तुरुन्तै नहुन सक्छ, जसले गर्दा मन अलि अशान्त हुन सक्छ। तर, यसलाई धैर्यका साथ सम्हाल्नुभयो भने बिस्तारै अवस्था सुधार हुँदै जानेछ । परिवारमा कहिलेकाहीँ सानो विवाद वा गलत बुझाइ हुन सक्छ, त्यसैले बोल्ने तरिका र व्यवहारमा ध्यान दिनु राम्रो हुन्छ।

यो वर्ष बैंकिङ र सेयर बजार दुबै क्षेत्रमा अवसर त छन्, तर सावधानी अपनाउनुपर्ने संकेत देखिन्छ। छिटो नाफा कमाउने सोचले हतारमा लगानी गर्नुभयो भने घाटा हुन सक्छ। तर दीर्घकालीन सोचेर, राम्रो कम्पनी छानेर, सानो-सानो लगानी गर्दै जानुभयो भने फाइदा हुने सम्भावनाको योग छ।

व्यापारको हिसाबले हेर्दा यो वर्ष नयाँ काम सुरु गर्नुअघि राम्रो योजना बनाउनु आवश्यक छ। पार्टनरशिपमा काम गर्दा सावधानी अपनाउनु पर्ने देखिन्छ। किनकि विश्वासको समस्या आउन सक्छ। लगानीका लागि कृषि फुड-रेस्टुरेन्ट, डिजिटल सेवा, शिक्षा सम्बन्धी काम, वा सानो-मझौला व्यापार फाप्ने देखिन्छ । धेरै ठूलो जोखिम लिने वा हतारमा पैसा हाल्ने कामबाट जोगिनु होला।