असार महिनाको आर्थिक राशिफल
कन्या राशि भएका व्यक्तिहरूका लागि असार महिना राम्रो देखिन्छ। दलाली कर्ममा राम्रो हुने देखिन्छ । बेरोजगारहरूका लागि सोचे अनुसार जागिरको अवसर मिल्नेछ। पेशा परिवर्तन गर्न सकिनेछ। खर्च व्यवस्थापन गर्न जटिल निर्णय लिनुपर्ने देखिन्छ । आयआर्जनका नयाँ स्रोतहरू बन्नेछन्।
लेखन कार्यबाट मनग्य आम्दानी गर्न सकिने देखिन्छ। वर्षौदेखि अड्किएका काम बन्ने योग छ। धन संग्रह हुनेछ। आइतबार र बुधबार सेयर बजारमा लगानी गर्दा राम्रो फाइदा हुने देखिन्छ। यो राशि हुनेहरूका लागि असार १०, १७ र २६ गते अति अशुभ भएकाले विशेष ध्यान दिनुपर्ने देखिन्छ।
नयाँ वर्ष २०८२ सालको आर्थिक राशिफल
कन्या राशि भएका व्यक्तिहरूका लागि २०८२ साल राम्रै देखिन्छ। आर्थिक सुधारका प्रयासहरू सफल हुनेछन्। नोकरी वा पेशामा योग्यताको मूल्यांकन हुनेछ।
कृषि, लत्ताकपडा तथा उद्दयोग व्यवसायबाट राम्रै लाभ उठाउन सकिनेछ । यो राशी हुनेहरूलाई जुनै क्षेत्रमा पनि नयाँ जागिरको अवसर मिल्नेछ । लक्ष्य प्राप्ति गर्ने योग देखिएको छ।
वैदेशिक रोजगारीमा रहेकाहरुका लागि पनि यो वर्ष उत्तम देखिन्छ। यता, परिवारबाट आफुले सोचेजस्तो सहयोग भने नमिल्ला।
