पौष महिनाको आर्थिक राशिफल
मकर राशि भएका व्यक्तिहरूका लागि पौष महिना शुभ देखिन्छ। घरजग्गाको कारोबार गर्दा राम्रो हुनेछ। सुक्रग्रह सकारात्मक हुँदा गरेको कामबाट मनग्य आम्दानी गर्न सकिनेछ। धन प्राप्ति हुने योग छ। वैदेशिक यात्राको योग देखिएको छ। कृषि कर्ममा लाग्दा राम्रो हुने देखिन्छ। दुना टपरी गाँसेर मनग्य आम्दानी गर्न सकिनेछ । यो महिनामा रातो वस्त्रको प्रयोग नगर्नुहोला, बैंक तथा वित्तीय संस्थाको सेयरबाट फाइदा लिन सकिनेछ।
यो राशि हुनेहरूका लागि पौष ९ र १६ गते अति अशुभ भएकाले विषेस ध्यान दिनुपर्नेछ।
आर्थिक बर्ष २०८१-८२ का लागि बार्षिक आर्थिक राशिफल
मकर राशि भएकाहरूका लागि आर्थिक वर्ष २०८१ र ८२ शुभ देखिन्छ । अधुरा कामहरू बन्ने योग छ । इलेक्ट्रोनिक र कपडाको व्यवसायबाट मनग्य आम्दानी गर्न सकिन्छ । घरजग्गा र सेयर बजारबाटसमेत राम्रो सफलता प्राप्त गर्न सकिनेछ । यद्यपि घरजग्गाको कारोबार गर्दा भने विवाद बढ्ने योग भएकाले सजग रहनुहोला । आर्थिक हिसाबले साउन, असोज र माघ महिना राम्रो देखिन्छ ।
यो आर्थिक वर्ष जागिर र व्यवसायमा भने झमेला आउने देखिन्छ । कामको सिलसिलामा झुटा आरोप लाग्ने र कानुनी झमेला व्यहोर्नुपर्ने देखिन्छ । स्वास्थ्यमा बढी खर्च गर्नुपर्ने हुनसक्छ । कुनै पनि जागिर, व्यापार वा व्यवसाय गर्दा सेतो, पर्पल, रातो, र निलो रङ्ग शुभ देखिन्छ भने २, ४, ६ र ८ अङ्क पारेर गरेको कामबाट सफलता प्राप्त गर्ने योग छ ।
शनिबार हनुमानजीको उपासना, गर्नाले व्यापार व्यवसायमा सफलता मिल्ने योग छ । शनिबार सबैभन्दा राम्रो दिन भएकाले नयाँ काम यही बारबाट सुरु गर्दा उत्तम हुने देखिन्छ। कुम्भ राशि भएकाहरूसँग गरेको कामबाट सफलता मिल्ने योग देखिन्छ भने धनु, मिथुन, र सिंह राशि भएकाहरूसँग कारोबार गर्दा ख्याल गर्नुहोला ।
