काठमाडौँ – निकै नाम चलेको तर पछिल्लो समय ‘झुर सेवा’ का कारण बदनाम बन्दै गएको प्रभु बैंकको एक पछी अर्को झुर सेवाका नमुनाहरु बाहिरिएका छन् । यस अघि पनि हामीले प्रभु बैंकको ‘झुर’ सेवाको नमुना नम्बर १ : चाहिएको बेला चल्दैन एटिएम, ग्राहकलाइ सास्ती ! र प्रभु बैंकको ‘झुर’ सेवाको नमुना नम्बर २ :  यस्तापनि कर्मचारी छन् प्रभुमा शीर्षकको प्रकाशित गरेका थियौं ।  समाचारमा आवश्यक परेको बेला प्रभुको एटिएमनै नचल्ने, अधिकांस समय एटिएममा समस्या आउने  र कर्मचारीलाई धेरै कुरा थाहा नभएको बारे तथ्य प्रस्तुत गरेका थियौं । प्रभु बैंकको अर्को ‘झुर’ पक्ष बाहिरिएको छ । काम नै गर्न नजान्ने कर्मचारीलाई बैंकमा राखेर सेवाग्राहीलाई सास्ती दिइने गरेको छ । सामान्यतया: बिबिए पढिरहेकाहरुलाई बैंकमा इन्ट्रन राख्ने गरिन्छ । तर उनीहरुलाई काम सिकाएर काममा राख्नु पर्ने हो । कतिपय बैंकहरुमा सिकाएर मात्र ती इन्ट्रनहरुलाई काममा लगाउने चलन छ । यस्तो त इन्ट्रन भनेकै काम, सिक्न हो । तर सेवाग्राहीलाई नै मर्कामा पारेर केहि काम गर्न नजान्नेहरुलाई रिसेप्सनमा राखेर बैंक जनताको मनबाट टाढा भइरहेको छ ।       

‘खाता खोल्न के के चाहिन्छ ?’ ‘सोध्नुपर्छ एक छिन है, म त इन्ट्रन हो।’ 

बैंकमा काम गर्ने कर्मचारीलाई खाता खोल्न केके चाहिन्छ समेत थाहा छैन । न त उनीहरुलाई बैंकले दिएका सेवा सुबिधा र बैंकको ब्याजदर प्रतिशत नै थाहा छ ।’हेर्नुपर्छ वा सोध्नुपर्छ’ उनीहरुको थेगो नै भइसकेको छ । ‘उनीहरुलाई के गर्नुपर्छ, केके चाहिन्छ जस्ता आधारभुत कुराहरु पनि थाहा छैन । इन्ट्रनमा बसेकाहरुको ग्रियाकार्य निकै कमजोर छ । कहाँ कहाँ सहि गर्नुपर्छ, चेकबुक नयाँ बनाउँदा केके गर्नुपर्छ जस्ता निकै नै साना कुराहरु पनि उनीहरुलाई थाहा छैन । विशेषगरी तिनकुने लगायतका साखामा यो समस्या छ ।     

‘माइन्यूट’ भनेको समेत बुझ्दैनन् इन्ट्रनहरु 

बिबिएमा माइनोट भनेको के हो, पढ्नुपर्छ । विशेषगरी कम्पनीको खातासम्बन्धि काममा यो निकै नै आवश्यक चीज हो । तर प्रभुका कर्मचारीहरु आफु इन्ट्रन भएको भन्दै आफ्नो कमजोरीले सेवाग्राहिहरुलाई मर्कामा पारीरहेका छन् । ‘तपाईंलाइ माइनोट भनेको थाहा छैन ?’ भन्ने हाम्रो प्रश्नमा इन्ट्रनको सहज जवाफ छ। ‘ म त इन्ट्रन हो के दाइ, केहि थाहा छैन । ‘    

भाषामै समस्या 

बैंकमा चाहिने आवश्यक कागजात लगायतका बारेमा थाहा नहुँदा भाषामै समस्या देखिएको छ । ‘करचुक्तालाइ करचुक्ती’ लगायतका सामान्य रुपमा सुन्दा पनि अचम्म र दिक्क लाग्ने सब्दहरु प्रयोग गर्छन् प्रभुका इन्ट्रनहरु । कहिलेकाहीं त उस्तै रिसाउने मान्छे परेको खण्डमा उनीहरु रिसको सिकार समेत हेन गरेका छन् । नहुन पनि कसरी,केहि थाहा नै छैन, र जनतालाई थाहा दिने ठाउँमा बसीएको छ ।    

इन्ट्रनकै कारण त्रुटीनै त्रुटी 

कतिपय ठाउँमा सहि गर्ननै छुटाउछन् अलि नजान्ने सेवाग्राही । इन्ट्रन, त्यहाँभन्दा पनि नजान्ने भएपछी त गाह्रो परिनै हाल्यो । कतिपय अवस्थामा कागजातनै पूरा नगरी खाता खोलिएको छ भने कतिपय अवस्थामा काम गलत तरिकाले गरिएको छ ।   

सेवाग्राहिको गुनासो : इन्ट्रन हो कि के हो, मतलव भएन, काम राम्रो गर्नुपर्यो 
यता सेवाग्राही हरु भने इन्ट्रनको काम देखि वाक्क नै हुने गरेका छन् । प्रभु बैंक तीनकुनेमा काम विशेषले पुगेका एक ग्राहक भन्छन्, ‘हामीलाई इन्ट्रन होस् कि अरु होस्, काम हुनुपर्यो । जहिले पनि काम बिगार्छन् यहाँका कर्मचारीहरु ।   

यो पनि पढ्नुहोस् :

• प्रभु बैंकको ‘झुर’ सेवाको नमुना नम्बर १ : चाहिएको बेला चल्दैन एटिएम, ग्राहकलाइ सास्ती !

• प्रभु बैंकको ‘झुर’ सेवाको नमुना नम्बर २ :  यस्तापनि कर्मचारी छन् प्रभुमा