काठमाडौँ । ३२०० विन्दुबाट सेयर बजार झन्डै १०० को लाइनमा आउँदै गर्दा सेयर लगानीकर्ताहरुले अरवौं पैसा गुमाए । ३२०० मा प्रवेश गर्नेहरु ठुलो घाटामा रहे । ३२०० मा बेच्न सफल भएकाहरु पनि धेरैजसो लगानीकर्ता २७००-२८०० मा बजार प्रवेश गरे, उनीहरु पनि घाटामै रहे । २७०० मा बेचेकाहरु पनि बजार २२००-२३०० हुँदा बजार प्रवेश गरे, र उनीहरु पनि घाटामा छन् । समग्रमा हेर्दा पछिल्लो १ बर्ष सेयर लगानीकर्ताहरुमध्ये कमले कमाए, धेरैले गुमाए । यो बीचमा धेरै सेयर लगानीकर्ताहरु पीरमा मात्र परेनन्, केहि त डिप्रेसनको सिकार नै भए । र त आजको अंकमा धेरै पाठक, र दर्शकको अनुरोधमा हामीले सेयर बजारमा पनि लगानी गरेका र डिप्रेसन निवारणको उपायसमेत बताउने स्वामी आनन्द विनोदलाई प्रस्तुत गरेका छौं ।
बिगत लामो समयदेखि जीवन र अध्यात्मबारे चिन्तन गर्ने र विश्वभर यसको प्रचार गर्ने स्वामी आनन्द विनोदसँग आजको अंकमा हामीले उहाँसँग सेयर बजारबाट घाटा भएकाहरु के गर्ने ? कसरी चिन्ता कम गर्ने ? डिप्रेसनमा पुगेकाहरुले के गर्ने ? यस्तो अवस्थाबाट कसरि छुटकारा पाउने ? कस्तो जीवनशैली अपनाउने ? के गर्दा कम चिन्ता हुन्छ ? लगायतका विविध विषयमा कुराकानी गरेका छौं ।
