असोज महिनाको आर्थिक राशिफल
सिंह राशि भएका व्यक्तिहरूका लागि असोज महिना खर्चिलो महिना देखिन्छ । सेयर बजारमा लगानी गर्दा पैसा डुब्ने योग छ । माया मारेको पैसा र्फिता पाउन सकिनेछ भने आर्जन गरेको पैसा चाँडै खर्च हुने देखिन्छ । दिदीबहिनीबाट ठुलै सहयोग प्राप्त हुनेछ ।
यता, शनि ग्रहका कारणले भने यात्राको क्रममा सरसामग्री हराउने योग छ । गुप्त शत्रुहरूले काममा बाधा पुराउने देखिन्छ । यो राशि हुनेहरूका लागि असोज २, ३ र ४ गते हानिकारक दिन रहनेछ ।
आर्थिक बर्ष २०८१-८२ का लागि बार्षिक आर्थिक राशिफल
सिंह राशि भएकाहरूका लागि आर्थिक वर्ष २०८१ / ८२ औसत देखिन्छ । कार्यमा ढिला सुस्ती हुने देखिन्छ भने आर्थिक नोक्सानीको सामना गर्नुपर्ला । आँटेको काममा सफलता मिले पनि ठुलो संघर्ष गर्नुपर्ने र विभिन्न झमेलाहरु आइपर्ने देखिन्छ ।
सेयर बजारमा लाग्नेहरुका लागि यो आर्थिक वर्ष राम्रो चाहिन । सुन चाँदीको व्यापारमा पनि सफलता मिल्ने देखिँदैन । निर्माण क्षेत्रमा लागेकाहरूको लागि यो भने यो आर्थिक वर्ष राम्रो छ । आर्थिक हिसाबले कार्तिक र फागुनमा बढी लाभ मिल्ने देखिएको छ । नयाँ जागिरको अवसर मिल्ने देखिन्छ ।
कुनै पनि व्यापार व्यवसाय गर्दा रातो, खैरो, कालो र सेतो रङ्ग प्रयोग गर्नु शुभ हुनेछ भने २, ३, ६ र ७ अङ्क पारेर गरेको काममा सफलता मिल्ने देखिन्छ । व्यापार व्यवसाय वा जागिरमा समस्या हनुमानजीको उपासना गर्दा शुभ होला । पितृलाई सम्झिएर गरेको नयाँ काममा सफलता मिल्ने देखिन्छ । आइतबार र बुधबार गरेका कामहरूमा सफलता मिल्ने देखिन्छ।
मिथुन, कन्या, मेष, धनु राशि भएकाहरूसँग काम गर्दा सफलता मिल्ने देखिन्छ । यद्यपि कर्कट, मकर, र मीन राशिसँग भने सकेसम्म कारोबार नगरेको राम्रो देखिन्छ ।
