असोज महिनाको आर्थिक राशिफल
मीन राशि भएका व्यक्तिहरूका लागि असोज महिना मध्यम हुने देखिन्छ । स्वस्थमा खर्च हुने देखिन्छ । कर्म गर्नाले अवसर प्राप्त हुने योग छ । सेयर बजारबाट राम्रै लाभ मिल्नेछ । वैदेशिक यात्राको योग देखिएको छ ।
लामो समयदेखि बिक्री नभएको अचल सम्पत्ति बिक्री हुने योग छ । अरुको लहैलहैमा लाग्नाले दुख पाउन सकिनेछ । यो राशि हुनेहरूका लागि १, २ र ३ गते भने खर्चिलो रहेको छ ।
आर्थिक बर्ष २०८१-८२ का लागि बार्षिक आर्थिक राशिफल
मीन राशि भएकाहरूका लागि आर्थिक वर्ष २०८१-८२ शुभ देखिन्छ । जागिरमा प्रमोसनको योग छ भने व्यापार व्यवसायबाट पनि राम्रो हुने योग छ । आकस्मिक लाभको योग पनि छ । पार्टनरसिपमा भने झमेला हुने देखिन्छ ।
कतै ऋण सापटी दिँदा सो रकम फस्ने योग छ । सेयर बजारमा पनि त्यति राम्रो हुने योग देखिँदैन ।
नयाँ जागिर र व्यवसाय गर्ने योग छ । घरपरिवारको स्वास्थ्यमा पनि खर्च बढ्नेछ । कुनै पनि जागिर, व्यापार वा व्यवसाय गर्दा पहेँलो, हरियो, पर्पल, रातो र खैरो शुभ रङ्ग शुभ देखिन्छ भने
१, ४, ८ र ९ अङ्क पारेर गरेको काममा सफलता मिल्ने योग छ । कुनै पनि शुभकार्य गर्नुअघि भगवान शिव र पितृलाई सम्झँदा राम्रो हुने देखिन्छ । बिहीबार गरेका कामहरुबाट सफलता मिल्ने देखिन्छ ।
कर्कट, र वृश्चिक राशि भएकाहरूसँग काम गर्दा सफलता मिल्ने योग छ भने कुम्भ, सिंह, र तुला राशि भएकाहरूसँग सकेसम्म कारोबार नगर्दा राम्रो होला ।
