काठमाडौँ । पछिल्लो ८ महिनामा अध्ययनका लागि विदेश जाने नेपाली विद्यार्थीसँगै ८९ अर्ब रुपैयाँ पनि विदेशिएको छ ।
राष्ट्र बैंकले सार्वजनिक गरेको तथ्याङ्क अनुसार ८ महिना (साउनदेखि फागुनसम्म) मा विद्यार्थीसँगै ८८ अर्ब ९८ करोड रुपैयाँ विदेशिएको हो ।
चालु आर्थिक वर्षको फागुनसम्म मुलुकको कुल भ्रमण व्यय १ खर्ब ४८ अर्ब रुपैयाँ छ । जसमध्ये शिक्षातर्फको व्यय ८९ अर्ब हो । गत आर्थिक वर्षमा शिक्षातर्फको व्यय ८० अर्ब १४ करोड थियो ।
यस अवधिमा नेपालको भ्रमण आय ५६ अर्ब ७० करोड रुपैयाँ मात्रै छ । गत आर्थिक वर्षको सोही अवधिमा नेपालको भ्रमण आय ५१ अर्ब ६९ करोड थियो । जुन चालु आर्थिक वर्षको तुलनामा ९.७ प्रतिशत कम हो ।
