×

Live on

रेडियो अर्थ सरोकार

Listen to live radio.

पाकिस्तानको व्यापार घाटा ३२ दशमलव ९ प्रतिशतले बढ्यो

PRIME CA
GLOBAL IME BANK

पाकिस्तानको व्यापार घाटा ३२ दशमलव ९ प्रतिशतले बढ्यो

२७ असार २०७८, आईतवार

पढ्न लाग्ने समय: १ मिनेटभन्दा कम

इस्लामावाद । उच्च मुद्रास्फीति, बढ्दो खाद्यान्‍न मूल्य, बिजुली शुल्कमा भएको वृद्धिको तनावको सामना गरिरहेको पाकिस्तानमा व्यापार घाटामा पनि उल्लेख्य वृद्धि भएको छ । सन् २०२१ मा पाकिस्तानको व्यापार घाटा ३२ दशमलव ९ प्रतिशतले बढेको हो । आर्थिक वर्ष सन् २०२१ मा पाकिस्तानको व्यापार घाटा ७.६१६ बिलियन अमेरिकी डलरले बढेको पाकिस्तानी वाणिज्य मन्त्रालयको तथ्यांकले देखाएको छ ।
पाकिस्तानको निर्यातमा आएको कमी र अपेक्षितभन्दा बढी आयात हुँदा व्यापार घाटा बढेको वाणिज्य मन्त्रालयको तथ्यांकले देखाएको पाकिस्तानी सञ्‍चारमाध्यम डनले जनाएको छ । डिसेम्बर २०२० देखि व्यापारको अन्तर बढ्दै गएको र मुख्यतया आयातमा अत्यधिक वृद्धि र निर्यातमा तुलनात्मक रूपमा कम वृद्धिको कारण व्यापार घाटा बढेको जनाइएको छ । वार्षिक आयात २५ दशमलव ८ प्रतिशत अर्थात ११.५१७ बिलियनबाट बढेर ५६.०९१ बिलियन अमेरिकी डलरले उकालो लागेको छ ।
गत वर्षको यही अवधिमा आयात ४४.५७४ बिलियन अमेरिकी डलर रहेको जनाइएको छ । जुन २०२१ मा आयात अहिलेसम्मकै उच्च बिन्दुमा पुगेको जनाइएको छ । मासिक आधारमा हेर्दा १४ प्रतिशतले आयातमा वृद्धि भएको छ । वाणिज्यका सल्लाहकार रजक दाउदले एक न्यूज कन्फरेन्समा आयात बिल मुख्यतः गहुँ र चिनी आयातका कारण बढेको बताएका हुन् । उनले आगामी आर्थिक वर्षमा गहुँ र चिनीको आयात मूल्य १.२ अर्ब डलर रहेको बताएका छन् ।
त्यस्तै उनले कपासका लागि आयात मूल्य १.२ अर्ब अमेरिकी डलर रहेको बताएका छद्द् भने घरेलु उत्पादनमा कमी आएकोसमेत उनले स्वीकार गरेका छन् । मुख्य रूपमा पेट्रोलियम, सोयाबीन, मेशिनरी, कच्चा माल र केमिकल, मोबाइल फोन, मल, टायर र एन्टिबायोटिक र खोपको आयात बढेको कारण आयात उच्च देखिएको जनाएका छन्।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: