जेठ महिनाको आर्थिक राशिफल

कन्या राशि भएका व्यक्तिहरूका लागि जेठ महिना फाइदाजनक देखिन्छ । गरेको श्रमबाट राम्रो फाइदा मिल्नेछ । धार्मिक र शुभ कार्यमा संलग्न हुँदा मनमा छुट्टै आनन्द प्राप्त हुनेछ । 

कन्या राशि भएका व्यक्तिले योजना गोप्य राखेर आत्मबल बढाएर काम गरेमा सफल हुनेछन् । यो महिनाको लागि शुभ अङ्क ३, ८ र शुभ रङ्ग निलो वा सेतो हो । मन नलागी नलागी सेयर बजारमा लगानी गर्दा नसोचेकै फाइदा हुने देखिएको छ । 

 आर्थिक बर्ष २०८१-८२ का लागि बार्षिक आर्थिक राशिफल

कन्या राशि भएकाहरूका लागि आर्थिक वर्ष २०८१ / ८२ सुखद देखिन्छ । आँटेको काम पूरा हुनेछ भने बिग्रिएका कामहरु पनि बन्ने योग छ । पुरानो ऋण तिर्न सक्ने योग छ भने सेयर बजारमा पनि सफलता मिल्नेछ । कृषि कर्ममा पनि सफलता मिल्ने योग छ । 

आर्थिक हिसाबले साउन, र मंसिर महिना शुभ देखिन्छ । यो आर्थिक वर्षमा कन्या राशि भएकाहरूका लागि नयाँ जागिरको अवसर मिल्ने देखिन्छ । वैदेशिक रोजगारीमा रहेकाहरूका लागि पनि यो वर्ष उत्तम देखिन्छ

कुनै पनि नयाँ जागिर, व्यापार वा व्यवसाय गर्दा हरियो, पहेँलो, र कालो रङ्ग शुभ देखिन्छ भने २, ५, ७ र ८ अङ्क पारेर गरेको कामबाट सफलता मिल्नेछ । शनिबार भैरवीको उपासना र हनुमानजीको आराधना गर्दा सफलता मिल्नेछ । नयाँ काम सुरु गर्नु भन्दा अगाडि शिवजीको आराधना गरेर गरेको कामबाट सफलता मिल्नेछ ।

आइतबार र बुधबार गरेका काममा सफलता मिल्नेछ । मेष, मिथुन, सिंह, र तुला राशि भएकाहरूसँग मिलेर गरेको काममा सफलता मिल्नेछ भने सिंह, मेष र कुम्भ राशि भएकाहरूसँग लेनदेन गर्दा ख्याल गर्नुहोला ।