वैशाख महिनाको आर्थिक राशिफल
मेष राशि भएका व्यक्तिहरूका लागि वैशाख महिना मध्यम देखिन्छ । आर्थिक पक्ष सामान्य रहनेछ भने व्यापार व्यवसायबाट पनि सामान्य लाभ मिल्ने योग देखिएको छ। वैशाख महिनामा कुनै पनि नयाँ कार्य थालनि नगर्दा उपयुक्त हुन्छ। स्वास्थ्यमा समस्या आउँदा पैसा खर्च हुने योग देखिएको छ।
यता, वैदेशिक रोजगारमा भने सफलता मिल्नेछ। मंगलबार सेयर बजारबाट राम्रै फाइदा उठाउन सकिनेछ। यो राशि हुनेहरूका लागि चैत १०, १७ र २४ गते अतिअशुभ रहेकाले विशेष ध्यान दिनुपर्ने देखिन्छ।
नयाँ वर्ष २०८२ सालको आर्थिक राशिफल
मेष राशि भएका व्यक्तिहरूका लागि २०८२ साल मध्यम देखिन्छ। स्वास्थ्यमा समस्या आउँदा खर्च बढ्ने देखिन्छ। पार्टनरशिपको व्यापार व्यवसाय नफाप्न सक्छ । व्यावसायिक हिसाबले यो बर्ष त्यति राम्रो नरहन सक्छ ।
कानुनी झमेलामा पर्न सकिनेछ। अनावश्यक खर्च गर्नुपर्ने स्थिति उत्त्पन्न हुने देखिन्छ। जागिर गर्नेहरुका लागि जागिरमा केहि समस्या उत्पन्न हुन सक्छन् । हरेक क्षेत्रमा साबधानीपुर्व अगाढी बढ्नुपर्ने देखिन्छ।
यता,वैदेशिक रोजगारीको योग देखिएको छ। कर्म क्षेत्रमा इमान्दारिता भएर काम गर्नाले मानसम्मान पाउन सकिनेछ। सेयर बजारमा लाग्नेहरुका लागि यो २०८२ साल औसत छ ।
